للتاجرات واصحاب الرأي السديد ...مشوره من فضلكم ..ابي احسن من وضعي

السلام عليكم ....
حبيباتي وغالياتي ..الوضع مش ولابد وزوجي ناشب لي انتي عطيني الفكره والوجهه وطبعا اكيد فوقها راس المال وانا اوديك اللي تبين بس هو ينجح ؟؟ ويرجع علينا بمردود حليو ؟مش مشكله..اقل شي نطّلع فيه قيمة سفرتنا لو كنا خسرانين لانه قال لي وش رايك نسافر اندونيسيا ونجيب شنط وجزم الله يكرمكم ..طبعا هذا بعد مارجعنا منها واشتريت كم شنطه وجزمه اعجبتني استخدام شخصي ومدحتها له بس طبعا انا كان مضحوك علي واشتريتها غاليه من سوق براسكو ودي سي ولو بروح بااخذها من المصانع مباشره اكيد بتكون ارخص ماادري يقولون في باندونق وانا رحت بس للجبل بنشاك المهم اني قلت له بصراحه ماادري احس العالم كلها هبت بالشنط واحسها الحين صارت شي عادي .قلت له شرايك بالعطورات نروح للامارات ونشتريها من هناك بس والله ماادري انقلب راسي وخفت ماتمشي .....
الزبده ياحلوات ان بخاطري اخليها حج وقضيان حاجه يعني اتمشى واتربح بنفس الوقت بس طبعا زوجي هدفه الاول والاخير التجاره فقط وانا بيني وبينكم خاطري بالامارات لاني ماقد رحت لها بس ماابي احسسه اني ابي اغير جو...وش تشورون علي يالغاليات ووش اشتري ووش اللي يمشي وبكم ؟ ادري وشوشت عليكم بس ابي منكم الشوووور والهدايه من الله ولكم مني اجيب لكم اللي تبون معي هذا ودعوه وش احلى من كذا
انتظركم يااخواتي:27:
ايه نسيت اقول لكم ترا ماراح ابيع عن طريق النت راح ابيع على القرايب والموظفات اللي حولي ...وسلمتم