راح اقدم لكم دورة لغة انجليزية , سميتها ( اقرأ , اكتب لتتعلم الانجليزية )
بمعنى Read , write to learn English
لأن الشرح راح يكون مكتوب فـ المتدربة راح ( تقرأ ) و بيكون في تطبيق تحله المتدربة و بالتالي ( تكتب ) الحل .. و بهالطريقة راح نتعلم ^_^
,,
و هي دورة لأي وحدة حابة تتعلم انجليزي , خصوصا المبتدئات في اللغة ..
الدروس راح تكون متسلسلة بالتدريج من الأسهل للأصعب , من الحروف , الاصوات , الاساسيات , القواعد .. و ممكن في النهاية نتطرق للقراءة , الترجمة , التحدث ..
الدروس بتكون يومين في الاسبوع , الأحد و الثلاثاء
,
و قبل لا نبدأ دورتنا في كلام مهم , شوية فلسفة يعني : )
اكيد كل وحدة مسجلة في هالدورة , او ناوية تسجل , عندها رغبة انها تتعلم الانجليزية .. بس الرغبة بروحها ماتخلينا نتعلم !
في اشياء ثانية لازم نملكها عشان نتعلم اللغة .. زي وشو ؟
- اول شي : نحتاج ثقة بالنفس !
البعض عنده رغبة , بس في داخله مقتنع انه ماراح يتعلم .. بهالاعتقاد أكيد أكيد أكيد ماراح يتعلم
- ثاني شي : الممارسة = الروتين
نحتاج نمارس الاشياء الي نتعلمها , نكررها , نعيدها , نراجعها .. لو اهملناها بننساها .. بعدين نرجع نتعلمها مرة ثانية .. يعني ماراح نتحرك مكان !!
- ثالث شي : شوية وقت = شوية جهد = شوية تعب
اللغة مو بس قواعد , اللغة قراءة , كتابة , استماع , تحدث .. هالاشياء لازم ندخلها حياتنا ..
نسمع قصة بالانجليزي , نقرأ قصة بالانجليزي , نكتب في المسنجر بالانجليزي ..
,
و اخيرا اقول ليكم ..
اشوفكم يوم الأحد 2 اكتوبر مع اول درس في دورتنا
^_^
تواقيع الدوره
