للتفتيـــــــــــــــح طريقــــــــه طبيعـــــــــيه وسهـــــــــــــله

للتفتيح بكل بساطة وامنة

--------------------------------------------------------------------------------

انا كنت قريت عن خلطات تفتيح كتير وكانت بتبوز الدنيا اكتر من الاول مش عارفة اية السبب المهم انا اعدت مع نفسي وجبت الوصفات دى وشوفت السر فيها يعنى الحجات اللى اجتمعت عليها اكتر من وصفة وكونت وصفتى اللى من تالت يوم جابت نتيجة واضحة بس مش معنى كلامى ان الاماكن الغامقة افتحت خالص من تالت يوم بس حتشوفى فرق كبير ولو استمريتى حتبئى قشطة المهم هى وصفة حتحتاج منك كل يوم ساعة
المقادير
نشا
خل ابيض
ماء ورد
كربونات الصوديوم ( فى مصر بيقولو عليها كربوناتو وتلائيها عند العطار وطعمها مر جدا )
ليمون

فى الاخر شوية حاجات للترطيب انا بستخدم على طول الفازلين او الجلسرين وبودرة تلك للاطفال


الطريقة بئى

تحطى النشا على الخل وتشلية فى علبة كريم قديمة


وماء الورد + الكربوناتو وتحطيهم فى زجاجة


الحاجتين دول اعدوا اسبوعين لغا ية ما خلصوا يعنى ممكن تعملى كمية كبيرة وتشليها مش حتفسد

والليمون تعصرية وتحطية فى ازازة ببخاخ عشان تكون سهلة الاستعمال ومتمليش كل يوم من عصر الليمون


بصوا يا حبايبى اولا طالما انك نويتى تبدائى متزهئيش فى نص السكة ولازم كل حاجة نتعب فيها بس انا واثقة من ان النتيجة السريعة حتخليكى تكملى للاخر

المهم فى حمام الصبح تاخدى شوية من ماء الورد والكربوناتو على قطعة سفنجة صغيرة وتدعكى المنطقى الغامقة وحسب المدة اللى انتى عايزاها لو دقيقة واحدة يبئى تعملى الحركة دى كل يوم لو دقيقتين او 3 يبئى يوم ويوم او 5 دقايق يبئى مرتين او مرة فى الاسبوع لانك حتلاحظى ان المنطقى بتحمر من كتر الدعك والخلايا الميتة بتقع ولما تخرجى ترطبى جسمك او انا بفضل استعمل الصبح بودرة التلك لان الحركة والشغل بتمسح الفازلين او الجلسرين وبتحد حركتى بكون خايفة ليتمسح او احيانا بعمل اية بحط طبقة فازيلن وارش عليها بودرة بعدين بفترة لازم تفصلى شوية عشان جلدك ميتعبش يعنى خليها اخر النهار قبل ما تستعملى النشا والخل ترجى الازازة او العلبة او تقلبيها بصباعك لان النشا بيرئد لوحدة تحت المهم تاخدى بصباعك وتحطى على المكان الغامق وكانك بتدهنى كريم بحركات دائرية بايدك تفردى بس الخلطة يعنى تمررى ايديك على المكان 5 او 6 مرات بس مش تدليك يعنى وتستنى شوية بتاع ربع ساعة لغاية ما تنشف لوحدها انا بصراحة لما كانت بتنشف كنت بحط تانى عشان النتيجة تكون احسن واستنى لما نتنشف تانى وبعدين حتلائى الخل اتشرب والنشا عملت طبقة على جسمك كدة ادعكيها شوية كام مرة كدة حتلائيها بئت عملة زى الدقيق اغسلى جسمك وخلاص قبل ما تنامى بئى بليل ترشي الليمون على المكان وتدعكى برضة كام مرة كدة وتستنى لما ينشف لوحدة اغسلى جسمك وبعدين رطبى المكان قبل ما تنامى بجلسرين او فازلين زى ما تحبى وخصوصا الركب والاكواع هى اللى محتاجة ترطيب على طول دة بيساعد على عدم سوادها تانى وكل ما تلائى كريم ادامك رطبى ركبك وكوعك بس يا ريت يكن كريم كويس لان فية كريمات رديئة بتسمر ونكون معملناش حاجة ممكن نحس ان الموضوع رخم بس لا مش رخم انتى تستخدمى ماء الورد والكربوناتوا اثناء حمامك العادى مش حياخد خمس دقايق وبليل الليمون والخل مش حيكملوا 20 دقيقة واهتمى بالترطيب اوى ممكن تعملى زيى انا عملت ركبى الاول لغاية ما فتحت نقلت على الكوع وهكذا حاجة حاجة لانك لو عملتيهم كلهم مع بعض مش حتخلصى حياخد منك وقت طويل اعملى زى احسن ولسة الايام كتير والعريس مش واقف على الباب يعنى

الطريقة دى انا بستخدمها للركب والكوع وتحت الابط وبين الافخاد والرقبة يعنى ممكن اى جزء بس مجربتوش للمنطقة الحساسة ويستحسن بلاش لان الكربوناتو حامى عليها هو والخل بلاش احسن او لو عايزة تستخدميهم ليها اوعى تدخلى الخل و الحاجات دى للداخل حتلائى حريئة ولعت

يارب اكون وضحت كل حاجة وياريت لو حد جربها يقول النتيجة عشان الباقى يستفيد واللى مش مصدق يصدق وانا عذراهم انا من اللى شوفتة بئيت بخاف اجرب اى حاجة لانى لو تفتكروا كنت نزلت موضوع قبل كدة عن خلطة للتفتيح زودت السواد اكتر بس الحمد لله ازمة وعدت واى سؤال انا موجودة بس اعذرونى لو اتاخرت لانى ى دراسة ويارب كل واحدة تدعيلى بانجاح بتفوق زى كل سنة لانها اخر سنة وصعبة شوية امانة عليكم تفتكرونى وانت بتعملوها وتدعولى بنفس صافية ومن قدم شئ بيداة التقاة وهنيالك يا فاعل الخير والصواب سلام بئى


الطريقه منقووووووووووووله بنفس اسلوب صاحبتها الله يجزاها بالخير