للتنبيه..موضوع مهم..تهاون فيه كثير😱 الله المستعان😔

السلام عليكم ورحمة الله وبركاته..

مرحبا ياغوالي.

كيف حالكم واحوالكم..

..فيه موضوع ببالي ودايم افكر فيه..واقول ببالي معقول هالحريم..مايعرفون حرمة هالشي
والا بس عشان نصير حلوين..

نهتك مابينا وبين الله..

اللي اقصده..

البنات اللي يروحون للصوالين..وينزلون ملابسهم كامله..وماتخلي الارالاندوير
عشان حمام مغربي والا حمام بخار
والا مساج..

او حتى عشان تعمل ليزر شعر ونحوه.

ياحبايبي هالموضوع وربي ماكتبه الا من خوفي عليكن...

غير حرمته..
تتعرض الوحده منا..للتصوير والتشهير والابتزاز

وياما اكتشفوا صوالين..فيها مايشيب الراس..

للاسف عندنا الصوالين والمشاغل..غير مراقبه
..ومافيه هيئه نسائيه للتفتيش

يعني الموضوع يعتمد ..ع صاحبة المشغل وخوفها من الله..
والاتيان بعاملات ..امينات حريصات ع مصلحة الزبونه..

ووين نحصل الا من رحم ربي..

..

شوفوا هالحديث..يخص اللي تنزل ملابسها بغير بيتها..

. في فتاوى اللجنة الدائمة :
👇👇
الحديث الذي رواه الإمام أحمد وابن ماجه والحاكم عن عائشة رضي الله عنها بلفظ : ( أيما امرأة وضعت ثيابها في غير بيت زوجها فقد هتكت ستر ما بينها وبين الله ) . ورواه أحمد والطبراني والحاكم والبيهقي عن أبي أمامة رضي الله عنه بلفظ : ( أيما امرأة نزعت ثيابها خرق الله عز وجل عنها ستره ) ومراده صلى الله عليه وسلم والله اعلم : منعها من التساهل في كشف ملابسها في غير بيت زوجها على وجه ترى فيه عورتها ، وتتهم فيه لقصد فعل الفاحشة ونحو ذلك ، أما خلع ثيابها في محل آمن ، كبيت أهلها ومحارمها لإبدالها بغيرها ، أو للتنفس ونحو ذلك من المقاصد المباحة البعيدة عن الفتنة – فلا حرج في ذلك


..


حبايبي..انتبهوا ع انفسكم..تكفون

والله ماعاد فيه امان..

والوخده صارت تخاف ع نفسها احيان وهي ببيتها

حفظكن ربي وحماكن من كل شر😊

استودعتكن الله✋