مساء الخير
كان عندي موعد بمستشفى العسكري بالرياض للمتابعة وكنت طبعا طفشانة وزهقانة من الثقل والأنتضار
وكأن شايلة على ضهري حصى واف وما ادري ايش ....
والمهم كانت الغرفة (استراحة النساء) مليانة حوامل الله يهون عليهم من مختلف الشهور
وكان فية وحدة كبيرة بالسن يعنى اعطيها 45 سنة حامل وبطنها كبيرررررررررررررررر مرة الله يهون عليها
وكانت جالسة قريب مني وسولفت انا وياها
قالت لية تعبانة هذا كم مولود قلت هذا الثاني ولله الحمد وبديت اتشكى لها واني قربت اعوشر وما اولد
الا بصناعي ومن هالكلام
قالت الله يعين
قلت وانت الي اشوفة انك كبيرة كم عندك ؟
قالت عندي 6بنات و5عيال ماشاء الله تبارك الله وهذا الثاني عشر
بس محتارة في امر
قلت وشو الأمر
قالت ان الدكتورة تقول الجنين كبير وما نزل بالحوض ولا راح ينزل من كبرة ولازم عملية
وقلت وين الحيرة فية توكلي على الله دامك معوشرة وكبيرة وسوي العميلية
سكتت شوي
وقالت (( لا والله ما يشقون بطني هالدكاترة ويلعبون فيني ))
وقامت قلت ياقلبي وين
قالت ابروح لبيتي والي خلقة ينزلة
قلت طيب اخاف خطر عليك ولا على الجنين
والثقل هذا انا صغيرة وتعبانة يالله اقوم واجلس
وانت كيف بتسوين
قالت ((((( لا يهمك شدوا العزم تجي العزايم ))))) وراحت
لحقتها وعطيتها رقم جوالي وقلت طمنيني عليك برسالة
قالت خلاص لا ولدت ***** الله اخلي بناتي يرسلون لك
وماشاااااااااااااااااااااااااااااااااااااااااااء الله
3 ايام والرسالة جاية
(( أبشرك امي جابت ولد طبيعي وبالبيت وسميناه محمد ))
ماشاء الله يابنات شفتوا
والله اني استحيت على وجهي ومسوية فيها تعبانة وحالتي حالة
وهي ماشاء الله اكيد انها تعبانة
بس هي توكلت على الله وعندها عزم
وحنا ذابحنا التواكل
واسفة على الأطالة
SANA# @sana_2
عضوة جديدة
يلزم عليك تسجيل الدخول أولًا لكتابة تعليق.
ماشاءالله عليها
الله يخليلها ماعطاها يارب
ويهون علي وعليك وجميع الحوامل ويرزقنا ساعة الولاده الهينه الميسره ياكريم
ويرزق كل محرومه
الله يجزاك بالجنه اختي
الله يخليلها ماعطاها يارب
ويهون علي وعليك وجميع الحوامل ويرزقنا ساعة الولاده الهينه الميسره ياكريم
ويرزق كل محرومه
الله يجزاك بالجنه اختي
الصفحة الأخيرة
الولادة تساهيل من رب العالمين، وما في ايدينا اي شيء غير انه نعمل بالاسباب
بنت خالتيي توفى ابنها في الولادة لانها رفضت العملية، مع ان كل الاطباء كانوا يترجونها وكان نبض قلب البيبي يقل يقل يقل لين مات قبل ما يطلع!!
التوكل على الله واجب ومسهل للامور، ولكن ايضا ناخذ بالاسباب وما نخاطر :)