نكمـــــــــــــــــــــل ...

هلا حبيباتي ................اليوم راح نتطرق للماسكات (الأقنعه) والعنايه بالبشره بالطرق الطبيعيه ..................وأيضاً طرق العنايه بالقدمين واليدين .....

أولاً : كيفية العنايه بالوجه ..

قبل ماتغسلين وجهك بالغسول يمسح الوجه بالحليب الطبيعي ..........ويترك على الوجه لمدة 10 دقائق ...............أنا شخصيأ أفضل الحليب الطبيعي ولكن ممكن تستخدمين أي ميلك تحبينه ...........................
يجب غسل الوجه على الأقل مرتين صباحاً ومساءً بالغسول .......وأنا أفضل (السيتافيل).......... وسعره 40ريال ...........يعني مو غالي على جمال وجهك ورقبتك ................وتجنبي الصابون لأنه يسبب جفاف بالبشره وأيضاً يزيد من البثور ..........فلذلك أنصح بالغسولات .............وبعد أي عملية غسل للوجه يفضل مسح الوجه بقطنه مشبعه بماء الورد البارد ................الذي يساعد على نقاء الوجه وتورده .....

ملاحظه: ( أي عنايه بالوجه ..........تترتب على الرقبه .........ليش ؟؟؟؟ عشان ما يصير تباين وتظهر تجاعيد على الرقبه لأن الرقبه أول منطقه تتأثر بالتقدم بالعمر وزيادة الوزن)


ثانياً: الماسكات ( الأقنعه) الطبيعيه ..

ماسك الطين الأبيض :

تخلط كميه من الطين الأبيض مع ماء الورد ..............ويفرد على الوجه لمدة ثلث ساعه
وهو مفيد بعد تنظيف الوجه بالبخار لأنه يساعد على قفل المسامات والقضاء على الحبوب والبثور .


ماسك النشاء:

نص كأس ماء بارد
ملعقة طعام نشاء
3ملاعق طعام ماء ورد طبيعي

الطريقه :أخلطي النشاء مع الماء البارد ومن ثم ضعيه على النار وأستمري بالخلط إلى أن يغلظ المزيج ..........أطفىء النار وأضيفي ماء الورد ...........في النهايه يصبح شكل الخليط أخف من المهلبيه ............ويوضع بالبراد في علبه زجاجيه معقمه ..............ويستخدم يومياً وخاصه بعد التعرض للحراره والشمس ................ويستخدم وهو بارد ويترك على الوجه ربع ساعه ...............وهذا الماسك خطير بالنسبالي لأنه ينعش البشره ويسد المسامات ومع الأستمرار عليه يفتح لون البشره ويوردها .............


ماسك المره لإزالة الحبوب :

علبه زبادي صغير
ملعقة طعام مره مطحونه أصليه (يكون شكلها حجر بني مثل الزجاج)لازم أصليه
ملعقة طعام حليب بودره
ملعقة طعام عسل سدر أصلي

الطريقه : تخلط جميع المقادير مع بعضها البعض وتوضع في علبه زجاجيه معقمه ..........وتحفظ في الثلاجه لمدة أسبوع ..........بعد مرور أسبوع تستخدمينها يومياً لمدة ربع ساعه .......................

فوائده : المره تنشف الحبوب مما تساعد على إزالتها ومنع ظهورها ..........وباقي المكونات تساعد على الترطيب وإعطاء لمعه للبشره ....

ماسك الترمس المر .......لأزالة الكلف وتبيض البشره :
أخلطي المقادير التاليه بكميات متساويه (عسل +زبادي + ترمس مر مطحون)
تمزج المقادير وتفرد على الوجه لمدة20 دقيقه ................تستخدم مرتين بالأسبوع فقط ..............وتغسل بماء فاتر ...............
هذي الوصفه منقوله عن الأخت دريم فور أبوظبي .............وهي خصصتها للحوامل والمرضعات إللي ما يقدرون يصلحون تقشير ..................


ثالثاً: العنايه باليدين والقدمين ..

العنايه الأسبوعيه :
حضري المبرد الخاص بأزالة الجلد الميت في راحة الرجل (راح تحصلونه بذا بودي شوب)............وأفركي راحة رجلك .........هذي العمليه ضروريه حتى لو مافيك جلد ميت راح ينزل هووووووووائل منكم ........وترجع قدمك مثل الطفل ..

بعد هالخطوه جهزي الأتي :
طشت
ماء مائل للسخونه إللي تقدرين تستحملينها
ملح
شامبو خاص بالجسم ....أو حتى شامبو شعر بس من غير بلسم
زيت زيتون
شرائح ليمون
أعشاب تفضلينها ...........أنا أستخدم البابونج لأنه يفتح لون البشره

الأن أنقعي أيدينك ورجلينك بالطشت لمدة نصف ساعه ..................وبعدها خذي شرائح الليمون المنقوعه بالطشت وأفركي به أماكن السواد....................وممكن تفركين راحة رجلك بالحجر ( راح تلقينه عند العطارين أو ذا بودي شوب)وأستخدمي الليفه لأعلى القدم ...
بعدها أستخدمي زيوت فائقة الترطيب مثل (اللوز المر أو الجلسرين أو الخروع أو ممكن تخلطينهم كلهم ) وأحضري سكر وأفركي أيدينك ورجلينك بالزيت والسكر ..............وممكن تستعيضين عنه بمقشر طبيعي يريحك ...................

ومن ثم رطبي رجلينك وأيدينك باللوشن اللي يعجبك .............أنا أفضل لوشن جليسوليد المخلوط مع زيت لوز مر وجلسرين ..............

العنايه اليوميه:

تدهنون أيديكم ورجلينكم بخلطة الجسم إللي كتبتها أول ....وإذا كنتِ غايه بالجفاف بعد ماتدهنين بخلطة الجسم تدهنينها بفازلين ..............وتغطونها بنايلون إذا كنتم تستحملون (أنا شخصياً ما أستحمله ) وبعدها تلبسون قفازات خاصه باليدين ( تلقونها بذا بودي شوب ) وجوراب للقدمين ..

وأعتقد بعد كل هذا ..................راح تصيرين فلقة قمر ...........والكل راح يتغزل بجمالك وبياضك ونقائك ...............والأهم نظافتك لأن مظهر الجسم اللميع والخالي من الركب يعطي أنطباع أخر للناس ................

بكذا أكون خلصت الموضوع ..................وأن شاء الله تستفيدون منه ..............وسلامتكم

أي أستفسار أنا حاظره ..............

أيه صح تذكرت الأخوات إللي طلبوا مني حلول للتشققات .................عندي ملف محتفظه فيه بسي دي نزلته من المنتدى .......................برجعله وأن شاء الله تستفيدون منه .................لأني أذكر أن البنات بوقتها مدحوه وأستفادو منه ..............وخاصه فيه وصفه للخطوط البيضاء ................
والسموحه من أختي حواء الكون .....................لأنها طلبت هالشيء .........وتأخرت عليها بالرد ..............بس هو ما كان مدرج في الموضوع ............تراي مانسيت ماتخفيــــــــــش
وســـــــــــــــلام

حبيبتي الموسوسه
اتمنى تعرضين لنا الطرق لان محتاجين لك ولكلامك الي مثل العسل ياعسل والله خاصه انا محتاجه لمثل هاالسواليف :24:

3 ملاعق كبير حليب بودره
من 4 الى 5 ملاعق طحينه ( هرده)
عصير ليمونه
3 الى اربع ملاعق سنفرة الجسم
ماء حسب الكميه



ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هذي الخلط صارلي أجربها من مدة مرتين في الأسبوع و من ثاني إستخدام لاحظت النتيجة

روووعه تسلمي ياعمري ع المجهود,,,,,
لكن ياترى هل راح يتقشر الجسم مع استخدام الخلطات اللي ذكرتيها؟؟؟
بالنسبه لي الوجه ماعندي مشكله الحمدلله,,,
لكن الجسم على قولتك ظالمينه نوعا ما......
وصراحه رجعت لموضوع الاخت دريم لكن بما اني في اوروبا ما اظن اني بلاقي الكريمات اللي ذكرتهم!!
لكن فيه منتجات ديرما ما ادري تنفع اوهل راح الاقي عندهم نفسها؟؟
ياليت تردي علي ؛؛؛
:26: شاكره الرد مقدماَ