للجميع.. وخبيرات المكياج.. شو الحل؟

السلام عليكم ورحمة الله وبركاته..

خواتي الغاليات.. بغيت مشورتكم... لان ملجتي عقب أسبوع..

شو الافضل احط ميك اب بروحي في البيت ولا في الصالون؟ وشو الفرق بينهم؟
((بصراحه ما اعرف اتفنن في الميك اب بس اخاف من الصالون لانهم مرات يخلون شكل الوحده اخيس عن الطبيعه!!))

..انا ملامحي طفوليه عشان جيه احس الميك اب ما يناسبني وايد.. خصوصاً مكياج العين.. شو الحل؟
((لان المناسبه ملجه.. ولازم على قولتهم احط ميك اب للعيون))

شو نصايحكم للاشياء اللي اطلبها من اللي تحطلي الميك اب؟ بالنسبه للأساس والباودر وغيرها؟
((باعتبار انها اول مره احط فيها ميك اب عند الصالون.. وعلى فكرة الحفله في البيت بتكون وصغيره.. وابا مكياج ناعم))

والسؤال الأخير: أحسن اخلي الحرمه تيي من الصالون وتسويلي في البيت ولا اروح لها الصالون؟

ارجوا الرد والمشوره..

ويزاكم الله خير..