السلام عليكم ورحمة الله وبركاته
كلامي موجه للحريم اللي خانوهم ازواجهم .. بس بدون انفعال وبدون تهور
الحين اللي تكتب موضوع وتجلس تدعي على البنت اللي تكلم زوجها وترص هذيك الدعاوي اللي ماسمعناها على اليهود ولا أعداء الدين
بس بصراحه اكتشفت عندكم مواااااااهب خطييييييره بالدعاوي
انا مااقول لاتدعون وحرام ومدري ايش لأ .. الخيانه تجرح وتكسر الظهر صح
لكن فكروا شوي قبل تدعوا .. اللي تقول بنت الحرام << ترا هذا قذف وكلام محاسبه عليه يوم القيامه
والي تجلس تقذف فيها ووو كلاااام والله ماتتفكرون فيه وتقولونه من الحره
يقول النبي صلى الله عليه و سلم: "إن الرجل ليتكلم بالكلمة من سخط الله لا يلقي لها بالاً تهوي به في جهنم سبعين خريفاً"
الحين انتي اللي مقهوره منها وشايفه نفسك معك كل الحق وهي الغلطانه ..يوم القيامه بتاخذ من حسناتك ويمكن تنقضي حسناتك وتاخذين انتي من سيئاتها ..مافكرتوا بهالشي
ترا البنات هذولي أولا وأخيرا مسلمات وممكن انهم يصلون ماخرجوا من دائرة الاسلام
ولاتنسون رحمة ربي وغفرانه .. الله سبحانه وتعالى غفر لزاااانيه بس عشان أسقت كلب
يمكن البنت هذي تتوب وترجع ويمكن الله يهديها
اللي اقوله انتبهووووووووووا لكلامكم ولاتنسون(مايلفظ من قول الا لديه رقيب عتيد) وكل دعوه فيه ملك يقول لكي بالمثل لو كنتي مظلومه قولي حسبي الله ونعم الوكيل هذي دعوة الانبياء واعتقد العذاب اللي شافوه اكبر من عذابكم ومواقفكم
كلمه أخيره .. البنات هذولي من وين طالعين من اي بيوت ومن اي مجتمع ومن اي بيت
كم ام انصدمت ببنتها انها كذا وكان بالنسبه لها الااااا بنتي ماتسوي كذا وكم من زوج انصدم بزوجته واب انصدم ببنته ووو لاتنسون هذولي منا وفينا وكل إبن آدم خطاء
وأخيرا الرجال الي يسوي كذا ماتهمه لازوجته ولا بنته ولا اخته ولا امه ولا خالته ولاعمته
لأن هذا دييين ولااااازم يتسدد طال الزمان او قصر بيتسدد يامن بنته او زوجته او اخته او او
يا هاتكا حرم الرجال وقاطعا
سبل المودة عشت غير مكرم
لو كنت حرا من سلالة ماجد
ماكنت هاتكا لحرمة مسلم
من يزن يٌزنى به ولو بجداره
إن كنت يا هذا لبيبا ً فافهم
من يزن في بيت بألفي درهم
في أهلـه يزنى بغــير الدرهم
إن الزنا دينٌ فإن اقترضته
كان الوفا من أهل بيتك فاعلم
أسأل الله ان يهدي المسلمين رجالا ونساءا ويرد كل زوج لزوجته وعياله ويستر على كل مسلم ومسلمه واللي غلط او غلطت يرزقه الهدايه والتوبه ويرجع لله سبحانه
وسلامتكم

الغالي للغالي @alghaly_llghaly_1
عضوة نشيطة
يلزم عليك تسجيل الدخول أولًا لكتابة تعليق.


ممكن انتي ما تحسين بحجم الألم والمعاناه اللي تحس فيها المغدوره والمقهوووره
يارب سامحنا و اعف عنا
يارب سامحنا و اعف عنا

لا والله مو مسألة اني ما أحس
انا ابدا أبدا مادافعت عن البنات اللي كذا وماأقول لاتسبوا ولاتدعوا لكن ترا فيه كلام مايجوز ينقال
الله يستر على الجميع ويفرج هم كل مهموم ويتوب الله على من تاب
انا ابدا أبدا مادافعت عن البنات اللي كذا وماأقول لاتسبوا ولاتدعوا لكن ترا فيه كلام مايجوز ينقال
الله يستر على الجميع ويفرج هم كل مهموم ويتوب الله على من تاب

انا معاكى فى كلامك يكفيها ان نقول الله يسامحها والله يهدى جميع الرجال امين يا رب العالمين
الله يكون بكون الزوجات اللى اجوازهم بيخونوهم لابد ان نكن الاحترام لمشاعرهم المجروحه ........عجبتنى الجمله دى متعوب عليها
الله يكون بكون الزوجات اللى اجوازهم بيخونوهم لابد ان نكن الاحترام لمشاعرهم المجروحه ........عجبتنى الجمله دى متعوب عليها
الصفحة الأخيرة
اعوذ بالله من سخط الله