للحالات الخاصة

صباح الخير يا حلوات


حبيباتي انا اشوف كثير مواضيع عن ناس فيهم اكتئاب وتجي وحدة تكتب وترد بكلام غير منطقي تقولها لا تاخذي حبوب تراها مخدرات او ما فيك الا سحر او عين او انه انتي مو مجنونة عشان تلجأي للطب النفسي !!


وقفة ؛ العين حق ومحد يختلف بس المرض النفسي مرض مثل اي مرض وكثير الله يجزاهم خير تنصح بقراءة القران والأذكار ونعم بالله مافي مثل القران لكل شي مو بس النفسي بس اذا كانت الحالة سيئة لابد اللجوء للطب النفسي حالات العين والحسد تتشابه كثير بالأمراض النفسية


مثال : انا لي حول ال ٦ سنين متزوجة تقريبا من وقت ما تزوجت وانا أعاني ضيق تنفس ،حرارة بالظهر ،اغماء ، كتمة ولا كنت اقول لاحد الا زوجي واهله ما قلت لاهلي للحين مدري ليه وكان زوجي مهمل الموضوع اروح المستشفى يعطوني أكسجين مافي فايدة أزيد ما ارتاح لين استفرغ تكرمون وعلى هالحال لين خلفت طفلي الثاني قبل ٦ شهور زادت حالتي سوء غير طبيعي وارجعو لمواضيعي الاولى وشوفو كنت بحالة انهيييييييييار تام بعد ولادتي بكاء و عدم نوم وضيق ولا اقدر اتروش من كثر انه حيلي طايح كانو اخواتي وامي يروشوني ما كنت ادري عن عيالي ولا ابغاهم كرهت حياتي كلها ولمن اطلع الشارع افكر ارمي نفسي عالسيارات صرت اشوف الحياة سوداء وقتها قلت لاهلي اني من زمان يجيني اشياء غريبة اطيح وتجيني كتمة وضيق بس الحين قوية مرا الأعراض ودوني عند شيوخ وجابولي شيوخ يقرون ما احس بشيء بالعكس اعشق قراءة القران وكل يوم اقرا قران ولله الحمد ويخلصون قراءة واللي يقول عين واللي يقول حسد المهم اهلي ودوني عند دكتورة نفسية قلتلها اني كارهة حياتي قالتلي تجيك هالاعراض حرارة بالجسم إغماء ضيق تنفس قلتلها ايوا طلع عندي اكتئاب شديد واصلا انا من وقت ما تزوجت وتحملت مسؤولية صار عندي وسواس قهري أتفقد الشئ مليون مرا وأشك انه عيالي فيهم شي واتجنن من اقل شيء والحمدلله الحين مستمرة على علاج الدكتورة وتحسنت عن اول ، عارفة اني طولت عليكم بس حبيت اشرح بدقة لا تهملوا نفسكم واهتموا بنفسكم وصحتكم