للحزينات والمكتئبات .... تعالي وسجلي موقف شهم لزوجك...

دوووووووووم شهم الله يحفظه

ام سعود ......
الله يحفظك .انت وابو سعود ..... وسعود طبعا ...
بس ما جبتي لنا موقف ... تعتبريه من المواقف الى تعتزي بها ....
ترى الموضوع لذكر المواقف والوقفات الحلوه للازواج

والله يحفظ الجميع ..... وين الردود يا بنات حواء ...

اكيد اني مسجله مواقف شهامه لبو الشباب لأني تزوجت ولد حموله ومن معدن طيب ومهما صار بينا من خلاف إلا ان عزائي الوحيد ان اكيد بيرده أصله الطيب ....

أذكر له يوم أختي الي في الجبيل أحتاجت تبرع بالدم . استأذنت اروح لها في الجبيل واتبرع لها ... وعلى طول قال روحي ومن غير تردد....... وخليته يوم مع العيال محتاس فيهم

بصراحه احيانا قصدي اغلب الوقت معصبه منه والضغط مفلل منه يعني اخرها امس طلبته نطلع نتمشى وكانت الساعه 8 المساء قام يتثاوب وانا ابغى انام ويسحب فيني الين صارت الساعه 10 قام قال كم الساعه قلت 10 قال يووووه عندي اجتماع(لا يفوتكم الساعه كم اجتما قال) طبعا كالعادة ماصدقته قلت اي اجتماع الساعه هذي قال مواعد واحد قلت في خصوص ايش (ملقوووووووووفه) قال بخصوص العمل قلت طيب متى بترجع (ايش رايكم في التحقيق) قالي ما ادري بس اذا رجعت يصير خير
قمت اشغل نفسي بالبيت وهو كشخ وطلع طبعا البوز سنع امتار ونص (على بالي امون عليه وبيقولي طيب يالله نطلع وخلي الموعد)
المهم جت الساعه 12 ولسى ما رجع و2 وباقي ما رجع الين حسيت ان فوح بخار يطلع من اذوني وقلت اكيد بيجي الحين والله لاقلب الدنيا فوق تحت وياويله مني (على بالي باخوفه الحين) المهم تدرون متى رجع رجع الفجر قبل الاذان بربع ساعه
طبعا مسويه نفسي نايمه ولا ساله فيه وهو راح غسل اسنانه ونام فقلت خليها يابنت للصباح اخرب اليوم من اوله في الصباح الي هو اليوم الا وامي متصله فيه وكان عندها مشكله مع المقاول الي يبني لها الاستراحه وهي مبوزة مع ابوي طبعا على طول قام حتى ما افطر بصراحه انطميت وماقدرت اقول كلمه لانه لو مايحبني ما قدر امي وراح لها
هذا غير لما حملت كان فترة الحمل انسان ثاني لدرجه اني ما انظف البيت يروح يجيب عمال من الشركة الي يشتغل فيها ينظفون البيت كله كل 4 ايام ويوم الولاده ماصدقت ان هذا زوجي تخيلو وقت الطلق اتصل علي وانا اصارخ من الالم وقاعد يقولي كلام ماسمعته في شهر العسل وامي تقول صار يحوس بالغرفة ومو قادر يجلس وشوي وصار يبكي ويقول ياعمتي انزلي لها بالله وطمنيني عليها
كل ما تذكر هالمواقف انطم واسكت واقول الحمد لله انا احسن من غير ومافيه انسان الا وفيه عيوب والعفو عند المقدرة يعني اذا سكتي له عن مواقف ويدري انه غلطان اكيد راح يفتكر لك الموقف هذا وتكبيرن في عينه
المهم تراني تعبت من الكتابه وابلشتكم
بس ما اقول الا الله يهديهم ويسخرهم لكم اجمعين

moodka
الله يخليلك اياه .
وفعلا الرجال معادن ... تظهر عند الشدائد والمحن
اسعدني ردك