ابي رد على كلامي الي راح اقولة وابي قبل ماتقرونة تتخيلون نفسكم صح مكاني
انا كتبت موضوع قبل فترة عن سكني مع ام زوجي وايش يترتب علية من مشاكل وكنت اطلب حلول
اوكي
انصدمت من ناس تقول انش**** يسوي فيك ولدك زي كذا يعني بالعربي اذا كبرت يرميني ولدي طيب انا قلت في موضوعي ابي حل ماقلت سبوني
الحين الزوجة ليش متحاملين معها كذا هل هي عقربة سودا كلها خبث وفتن وام الزوج عسل يندي
لمن ام زوجك ماترحمك
كنت حامل لحد شهر التاسع مارحمتني وانا مو ساكنة معها
ولدت مارحمتني وانا مو ساكنة معها كيف لانها كانت تجيني كل يوم تبي وجبات اطبخلها رغم انو زوجي كان بعض الاحيان يجيب من برا بس برضو تعبت يكيفي ووجود ضيف في البيت يبي خدمات
الحين تغير الوضع راح تسكن معي اتخيل يوم تجيني انفلوزا حمة تطرحني واهي جايبة ضيوفها يسرحون ويمرحون في البيت من دون اي تقدير لحالتي الصحية اتخيل حاااااامل في شهوري الاخيرة واكرف واتعب عشان ضيوفها
الي تقول تخيلي امك مكانها امي ارملة وساكنة في شقة مقابل شقة اخوي ولها خدامة وشارطة لكل اخواني سكن مستقل تقول مابي اسكن مع حريمهم ليش اتعب نفسي واتعب عيالي مانيب قايلة امي مثالية بس تقدر هالشي المتزوجين لهم حياة خاصة لهم خصوصية كيف راح اتحاور مع زوجي لو تعرضنا لمشكلة والبيت يسرح ويمرح بالضيوف واخر اليوم اكيد بكون مهدودة ياناس الزوجة مو عقربة الزوجة انسانة مصيرها بتصير ام زوج اذا فيها خير بتريح ولدها واذا تبي المشاكل بتكتم على نفسة هو وزوجتة
سؤل اخير ابي تجاوبوني علية اذا صرتي ام زوج بتسوين مثل كذا
بتنشبين لزوجة ولدك بتغثينها بضيوفك بتنشبيلها في الطالعة والنازلة
اانا اقولكم ايش راح اسوي
بحبها
شالتلي مسؤليات ولدي عني
هي مستقبلة وانا مستقبلي خذتة من الدنيا وانش**** وعد بيني وبين ربي لاكون لها اكثر من الام والي تعرف مسلسل سعاد العبد**** ماني فاكرة اسمة الزبدة كانت مثل العسل مع زوجات عيالها وعطتنا الصورة الملائكية لام الزوج الي نفتقدها في مجتمعنا ؟؟؟؟
وجة المرايا @og_almraya
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ودامها أمه ساكنه في بيتها معززة مكرمة وين المشكلة .. يعني لازم آخذها عندي حتى أكون فلتة زماني مثلا ..!؟
لكن ضد زوجة الولد لما مايكون عندها إحساس ورحمة .. ولاتكرمها وتحشمها وهي اللي عطتها أحب ماتملك
أو اذا كبرت أم زوجها وكانت في حاجتها ((ومافيه إلا هي)) رفضت تساعده في البرّ والخدمة << حتى لو انها مو ملزومة بهالخدمة
فالأمر هذا نسبي .. يخضع لشيمة الوحدة، وتربيتها : )
استقلاليتك من حقك الكامل وماحدا ينكره عليك .. لكن بالمقابل في حالات لزوجات صبروا على أمهات ازواجهم
رغم انهم مو مجبورين على انهم يتحملوا كل هذا
صبروا على انواع الأذى "بنيّة" إن الله يصلح لهم أزواجهم وذرياتهم .. وبالأخير نالوا
وياما سمعنا من هالقصص .. ونفس الشي انتي رغبتك هذي مو معناها ان ولدك اذا تزوج راح يرفض السكن معاك او غيره
ماله علاقة في بعض، لكن قد يسخر لك الله زوجة ولد تكون أكثر من بنت "لو" أحسنتي زيادة
اما الصورة الملائكية لأم الزوج مايفتقدها المجتمع .. بالعكس والله مليان
أمي أكثر من رائعة مع زوجات اخواني .. تدعي لهم وتحبهم وتكرمهم مثلنا يابناتها وأكثر بعد