للحكيمات فقط

كيفكم بنات انت بقولكم موضوعي وياليت تشورون علي وتحسون بمعاناتي قبل لوحذه تجي تجرح باالكلام ..
انا مطلقه وعندي اطفال ومن قبل عند اهلي وانا اشتغل واصرف على عيالي والاب موجود ولا كانه موجود جيته بالطيب بالغصب عشان يساعدني بمصاريفهم وتربيتهم ولكن لاحياه لمن تنادي بتقولون ليش مارحتي طلبتي نفقه وغيره انا تطلقت بشهر ٧ وكان خلع وجالسه عند اهلي سنتين وبعدها قفلو المحاكم من وضع كورونا لاقدرت ارفع قضيه واطالبه والحين لو برفع وقدمت يبيلها مايقل عن السنه وكل يوم الوضع يصعب علي ولا قدرت اسوي اي شي انا موظفه ولكن المكان الي انا اشتغل فيه صارلي ٣ او٤ شهور معطينا اجازه وعايشه ع ساند والشركه تشتكي انه الوضع مو زين زي اغلب الشركات بنات انا تعبت من المصاريف اليوم عندي وبكرا ماعندي كيف بعيشهم كيف بجيب لهم فلوس لو بيوم الشركه فصلتني والس ييقول دوري وظيفه ثانيه جالسه ابحث ومن الصعب هالوقت تلاقين وظيفه طبعا الاب مايدري عن عياله حول السنه وشوي ولا يفكر فيهم وشاطر بس يتزوج ويطلق وعياله مارفع سماعه يسال عنهم الموضوع انه خطبني رجال والنعم فيه متدين وله اسمه ومكانته وانا شايله فكره الزواج من بالي ولكن من الوضع الي عايشه فيه صرت افكر اتزوج لاني تعبت تعبت من المسؤليه الي متحملتها بلحالي وانتو شايفين الاوضاع كيف صايره والظغوطات في الحياه وانا محتاره اوافق ولا ارفض وتعرفون لو وافقت ايش راح يصير مصيري ومصيرهم ولو رفضت راح اكمل بطرسق مجهول انا وياهم وانا ساكنه بيت اهلي واهلي صارو يتضايقون من وجود عيالي ماحد يتحمل احد ولا عندي القدره اني اطلع ولا ابوهم مفتكر فيهم مع اني ياما دقيت وقلت له حطلي شقه معاهم ولكن يرفض يبيني اجي اسكن عنده بشقه في بيته وانا رفضت تكفون الي عندها نصيحه تنصحني انا تعبانه نفسيا من كثر التفكير والحيره كل خوفي يجي اليوم الي عيالي محتاجين شي ومايلاقونه والي بتقولي ضمان وغيره بيمشي فتره وبينقطع ولو مشا لي انا ماراح يكفيني معاهم الي هي الف ريال انتظر ردودكم وشكرا للجميع..