أحلى شهريه @ahl_shhryh

كبيرة محررات

للحكيمات وصحابات الراي السديد

السلام عليكم اخواتي
اليوم بقولكم مشكلة انسانه عزيزه على قلبي تطلبكم المشوره
ارجو من كل وحده تقرا موضوعي تبدي رايها بكل صدق
جارتي هذي سلمكم الله نقلوا وهي كانت ضد الانتقال من المنطقه اللي كانوا فيها
زوجها شرى لهم بيت وراحوا واستقروا فيه
والاولاد منقسمين الكبار مؤيدين النقل وفرحانين فيه وفيه بعضهم ضده
المهم هي تقول الجيران طيبين واغلب جماعتهم بالمنطقه هذي
اللي خلاها تتحمل النقل وجود اغلب جماعتهم وقرابتهم في هذي المنطقه عكس اللي كانوا فيها وتقول ان فرصة زواج بناتها اكبر بحكم الزيارات والمناسبات وتتمنى يجي نصيب بناتها وهذا اللي مصبرها
الحين المشكله ان نفسيتها تعبانه كل ما تذكرت بيتها وحيها القديم وتذكرت كل شي في منطقتها القديمه وتتمنى انها ترجع لها اليوم قبل بكره
انا قلت لها تصبر يمكن يجي نصيب البنات ويتوفقون وبعدين ترجع هي وزوجها للمكان اللي يحبون
هي بتشوف ردودكم وبتقتنع بكلامك مع العلم والله انها متعذبه وماهي متقبله العيشه الجديده هذي
ارجوكم ابدو رايكم وتسلمون

يلزم عليك تسجيل الدخول أولًا لكتابة تعليق.

تسجيل دخول

حرف.الغلا • 13 سنة

رزقهم و النصيب وإللي الله كاتبه لبناتها بيجي سواء بحيهم القديم أو بمنطقتهم الجديده و إلا بأي مكان ويمكن النقل يكون خيره لهم وعسى أن تكرهوا شي وهو خير لكم وشي طبيعي تحن لبيتهم وحيهم القديم بحكم العشره و الجيران و التعود والايام الحلوه اللي قضتها فيه كل انسان كذا لكن إن شاء الله بتتعود وتتأقلم مع الوضع الجديد بس تحس كذا بالبدايه مع الوقت والايام بتتعود

أحلى شهريه • 13 سنة

وينكم يابنات

{{ام رنو}} • 13 سنة

الله يعينها صح ان الوحده تحن للمكان اللي عاشت فيه سنين طويله بس هذي هي الدنيا
قولي لها اصبري عسى فيه خير لكم وربي يرزق بناتها ازواج صالحين
هي ان شاء الله فتره وتعدي ويروح عنها الضيق يبيلها وقت بس لين تتعود على المكان الجديد

أسمى الأماني • 13 سنة

الرضا بالقضاء و القدر اهم شي
و عسى أن تكرهوا شيئا وهو خير لكم
و الله يطيب خاطرها و يرزقك بناتها باللي يسعدهم يارب

zzmmaa • 13 سنة

أختي عسى ان تكرهوا شئ هو خير لكم

الله يوفقها فى بيتها الجديد ممكن يمكن خير لها البيت الجديد
قول لها تستغفر الله كثير عشان يخف عنها التعب النفسي
تقبلي مروري
أختك zzmmaa