للحلوات اللي بيتزوجون السنة الياية..خلونا نتجهز

السلاااااااااام عليكم ورحمة الله وبركاته
يسعد مساكم جميعاً
ودي الكل يتفاعل معاي سواء المتملكات اللي بيتزوجون 2006
أو المتزوجات وحابين يكتبون لنا من منطلق خبرتهم
أو البنوتات اللي عندهم خبرة أو سألوا لنا أمهاتهم

طبعاً كلنا عندنا مهورنا وبنتجهز إن شاء الله
أنا حابة إن كل وحدة فينا تكتب شنو هي الأغراض اللي ودها تشتريها حق جهازها
علشان لو وحدة منا نست غرض معين تتذكر من خلال جهاز الثانية
أتمنى عرفت اشرح..وإذا تحبون بعد تذكرون كم المهر وكيف بتتصرفون فيه
وأنا ببتدي :

مهري إن شاء الله 5 آلاف دينار..يعني 50000 ألف ريال
والأغراض اللي كاتبتها في ورقة علشان أشتريهم هم :

1-آلة نزع الشعر من أمجوي

2-ثياب وتشمل : ملابس داخلية..وملابس طلعات..وقمصان نوم وقمصان للبيت
ودراعات (جلابيات) كشخه للمناسبات..وملابس خفيفة للبيت أو اللي تنلبس تحت العباة

3- كم عباة وشيلة

4-ذهب وأكسسوارات عادية

5- مكياج

6-عطور

7- جزم ونعل " الله يكرمكم"

8- روب

9- كريمات للجسم والوجه

10-عدسات ونظارة طبية وشمسية

11-شنط

12-بكلات للشعر

13-ساعات

14-استشوار

وإذا ذكرت شيء أبرجع أكتب
أتمنى منكم التفاعل..وما تخذلوني هاي أول موضوع لي

وجزاكم ربي كل خير :27: