اليوم جايبه لكم معجنات قليلة الدسم مو مره مافي دسم بس حاولت على قد ماقدرت
لأن زوجي الله يحفظه يموت في المعجنات وعنده الكلسترول عالي مره
وسويت هذي المعجنات له...ويارب تعجبكم وتستفيدون منها
العجينه نفس عجينتي الدئمه أو اي عجينه أنتي متعوده عليها بس بدلي الزيت
بزيت زيتون أو زيت أولايت أو اي زيت خالي من الكلسترول
العجينه
وهي
1-نص كاس زيت زيتون أو زيت أو لايت
2-كاس ونص مويه دافيه
3-4 م ك حليب بودره
4-3 م ص خميره فوريه
5-م ك سكر +نص م ص ملح
6-3ونص الي 4 كاسات دقيق المطاحن الكويتيه
الطـــــــــــــــــــــــــــ ـــريقه
اضع جميع المقادير ماعدا الدقيق في زبديه كبيره واخفقها بالمضرب اليدوي
لحد ماتتجانس وبعدين احط الدقيق واعجنها لحد ماتصير ناعمه واتركها لحد ماترتفع
وبعدين نجهز الحشوات
الحشوه الاولى جبنه بيضاء بالبصل
نبشر نص بصله ونحط عليها ملعقه زيت زيتون لحد ماتصفر ونحط الجبنه البيضاء
ونحركها لحد ماتذوب ونحط عليها 4جبنه مثلثات او كيري أطعم وهذي الصور تبين الخطوات
وهذا شكلها النهائي
ونحشي العجينه وندخلها الفرن وهذا شكلها وقت التقديم
الحشوه الثانيه دجاج بالخضار
وهي نقطع كميه كبيره من الملفوف ونبشر2 جزر وحبه كبيره فلفل رومي وحبه كبيره بصل مقطع
وقليل من الدجاج
نضع البصل مع م ك زيت زيتونعلى النار لحد مايتحمر ونضع عليه الدجاج ونقلبه
ثم نضع الملفوف والجزر والفلفل وملح وبهارات وبعد مايجهز اضه 3 مك كبير مايونيز قليل الدسم
3 م ك جبنة المراعي كلسترول أقل ونخلطها مع بعض
وهذي صورة الحشوه
نحشي العجينه باي شكل تحبين وتدخليها الفرن وهذا شكلها بعد ماطلعتها من الفرن
الحشوه الثانيه لبنه قليلة الدسم مع زيتون شرائح
نضع الزيتون مع البنه ونخلطه يصير كذا
نحشي العجينه وندخلها الفرن وتقدم
يتبع
جبت تركي من هذا النوع وهو 98 بالميه فات فري
وهذي صورته مع مايونيز قليل الدسم
نجيب التوست وندهنه مايونيز ونضع شريحه من التركي وخس وبعدين طماطم ونغطيه بشريحه مدهونه
مايونيز ونقطه 4 مثالثات زي الصوره ونثبته بعود أسنان ويقدم
وهذي صوره جماعيه للمعجنات في صحن واحد
ويارب تعجبكم ولا تحرموني من أرائكم ورودودكم