السلام عليكم ورحمة الله وبركاته
صباح /مساء الخير
اخواتي الحوائيات الحوامل والنفاسات هذا بعض من تجاربي الخاصه حبيت اضيفها لكم وهذه كلها صارت معي خلال الحمل والنفاس الاول
نبدا بتجارب الحمل :
اللي هي كلف الحمل انا من يدخل شهري السادس تسمر بشرتي وتكلف رقبتي بس
اما هالمره كلفت عندي المنطقه الحساسه والابطين رغم ان حملي الاول ماكلفت بس رقبتي وبطني شويه
وبعد الولاده سويت برنامج صغير وخفيف بمااني والده قيصريه ومااقدر على التفرك واللت والعجن
المهم خلال فترة الحمل استخدمت خلطة قناع الحمل
زبدة كاكاو من بالمرز علبة صغيره
زيت جلسرين 200مل
زيت سمسم 20 مل
تضربفي الخلاط وتقدرين تستغنين عن زيت السمسم
وتوضع في قاروره بلاستيك في مكان باردوليس في الثلاجه
وبعدين يبلل الجسم بالماء او تبللين منشفه بالماء وتفركين فيهاجسمك وتدهنين انا افضلها بعد الاستحمام
والدهن بالتدليك مومسح لا دلكي جسمكوتنفع للي حامل وللي ولدت
وتنعم وتزيل الكلف مره بمره
هالمره غيرت لاني كارهه ريحة زبدة الكاكاو ومتوحمه عليها بس مااستغنيت عنها في الخلطه
طبعا الخلطه الجديده :
قبل الحمام :
1م ك كريم جليسوليد
1كوب ماء ورد
1م ك زبدة كاكاو سايله
1م ك زيت لوز حلو
1م ك زيت بيبي اويل
1م ك زيت سمسم
ماء دافي لتخفيف الخلطه
يدهن فيها كامل الجسم ليلا وبالنهار نتحمم او اول ماتصحي تدهني فيها وبعد ساعتين الى 3ساعات نتحمم وندهن كامل الجسم بهالخلطه
علبة بيبي اويل اي نوع تفضلين وفيه انواع وروايح كثير انا احب اللي باللافندر بس انقص من العلبه مايقارب فنجان واحط بداله فنجان زيت لوز حلو
هذا بعد الحمام وبعد ماطلع اجفف جسمي بالمنشفه وارش بودره اي نوع حلو بريحه حلوه انااحب اللي بريحة البابونج او المسك ريحة نظافه ونعومه
وارش عطر ناعم اما مسك او كاموميل من زهور الريف
وخلاص لليل احط اي نوع لوشن يكون قوي ومركز شوي عشان يرطب البشره ويحافظ على مرونتها
طبعا احنا حوامل ونقول ليش مايروح الكلف اثناء الحمل وذلك بسبب خلل الهرمونات عندنا وبسبب الحمل بس يكون اخف من ذي قبل مع الاهتمام والنظافه
طبعا فيه ايام استبدل اللوشن بفازلين الاطفال لان ريحته ناعمه وحلوه وتخلي الجسم طري وناعم ولا تدبق في الملابس خصوصا بعد الحمام
احيانا احط معها بضع قطرات من زيت اللوز
هنا نجي للشعر اللي يجف ويتساقط ويصير متقصف وخشن فترة الحمل صراحه عجزت من كثر الحمامات
والزيوت ومافيه فايده نافش ومخشن
ولقيت خلطه هنا في المنتدى قالت عليها وحده الله يستر عليها
4 م ك حمام زيت اي نوع تحبين انا احط فاتيكا بالزيتون
1 م ص زيت اي نوع تحبين بعد
1م ص عسل
اخلطيهم مع بعض ولمن تتحممي حطي الخلطه ع شعرك وخليها شوي وبعدين اشطفيها بماء فاتر او بارد
وسرحي شعرك
ثانيا : زيت اللوز الحلو للشعر بعد الاستحمام خذ في يدك ودلكي شعرك وركزي عالاطراف
وبعد كذا نجي لترطيب اليومي للشعر انا استخدم حاليا سيروم الحيه لاعادة بناء الشعر وترطيبه
ايضا الحامل تحتاج للفيتامينات والبروتينات بالاضافه للفيتامينات والادويه اللي توصفها لها الطبيبه
فعليك بالخضراوات والفواكه
استخدمي التين والزبيب وايضا عصير البرتقال وعصير الليمون اللي يدعم الجسم بالحديد والكالسيوم وحمض السيتريك وفيتامين c
والفول والملوخيه والخس والجرجير والجزر والتفاح والعنب والمانجو والموز كلها صحيه لجسمك ولنمو جنينك فانتي الان بامس الحاجه للغذاء من ذي قبل والغذاء ثم الدواء في جميع دول العالم
وايضا اللحوم والبقوليات ومنتجات الحليب والالبان جيده جدا في تحفيز الجسم والطاقه وبالتالي للبشره والشعر
الان نجي للنفاس طبعا هنا بتكلم عن العنايه الشخصيه ربما لاحقا انزل لكم موضوع يخص النفاس وغذاء النفاس وماتحتاج النفاس عشان تتقوى وترجع لوضعها الطبيعي
طبعا سواء كنتي والده قيصري او طبيعي فهذا لايعني اني متعبه مااهتم بنفسي واهمل نفسي او اني اهتم فقط بالاكل والشرب وانسى اعالج بشرتي وشعري واهتم فيهم
طبعا الولاده الطبيعيه من ثاني يوم تقدر تتحمم وتاخذلها شاور ترتاح فيه لكن القيصريه لابد انها ماتقرب على مكان الجرح عالاقل اسبوعين وهذا صارلي بنفاسي الاول منعو عني الماء لمدة اسبوعين وبعد فك الغرزه سمحولي بالتحمم طبعا ماكنت اقدر اصبر صرت احمم جسمي من الاسفل واتمسح من الاعلى خصوصا منطقة البطن وكنت اشوف بطني يتقشر كل غسله ورا غسله وتضايقت قلت ليه مااصير امسح عليه بالزيت وكريمات عشان يصفى فرصه خلطت زيوت (زيت لوز حلو +زيت سمسم + زيت اطفال + زيت
زيتون + ورق نعناع مجفف ) ضربتهم في الخلاط وبعدين حطيتهم بقاروره ورجيتهم بعدين صرت ادهن المنطقه يوميا قبل الحمام بساعتين واجلس طبعا كان صيف وحر ومع النفاس وجرح في بطني كنت اتضايق بس قلت عشان انسى الالم واستفيد من وقت الفراغ اللي مايقضى بسرعه
طبعا خليت امي الله يحفظها لي ويشفيها ويعافيها تسوي لي الخلطه مو انا
وبعدين صرت اتحمم بالليل واحط منها وفي النهار اتمسح واشوف القشر يطلع في المنشفه اللي امسح فيها
وكنت اتقرف من هول المنظر ....
وبعدين اليف بصابونة اطفال وامسح الصابون عدة مرات وبعدين امسح مكان الجرح بماء دافي وملح
وبعد ما اجفف جسمي امسح على الجرح بمسحه طبيه وبعدها زيت زيتون
وبالنسبه لجسمي سويت خلطة الجليسوليد مع زيت لوز وعصير ليمون لكامل الجسم يوميا ادهن كل جسمي بعد مافكيت الغرزه وصرت اتحمم يوميا حمام دافي واتشطف وبعد مااتنشف ارطب جسمي بزيت اطفال وزيت لوز
ويوم بخلطة زبدة الكاكاو لين طلعت من النفاس زي الورده ولله الحمد طبعا رقبتي طولت ماراح الكلف منها قالت لي وحده مصريه الله يذكرها بالخير ادهنيها بحليب يوميا ويروح وفعلا جربت ونفعت النتيجه
اما للوجه فهو :
علبة زبادي حطيتها بالشمس وهي مكشوفه
وبعدين ضفت لها ليمونه عصير
وشوي زيت لوز بضع نقاط وصرت اسوي ماسك كل يومين او ثلاثه لوجهي رغم ان وجهي ماكان فيه كلف بس زيادة تسنع عشان ابو الشباب
وهذه خلطة عمتي الله يرحمها اثناء الحمل وبعد الولاده
اللي هي علبة زيت بيبي اويل نصفها وفنجان زيت زيتون وفنجان زيت لوز ويدهن فيها الجسم يوميا بعد الحمام هذه باذن الله نافعه لمرونة الجلد ومنع التشققات
هذا كل ماتذكره في حملي الاول ونفاسي الاول
ارجو اني افدتكم جميعا ودعواتكم اخواتي
اذا شفت تفاعل بنزل موضوع خاص ببرنامج النفاس
NOOR AL_HUDA @noor_al_huda_1
محررة ماسية
يلزم عليك تسجيل الدخول أولًا لكتابة تعليق.
ام هتاااااان
•
الله يجزاكـ بالخير ياعسل معلومات قيمــــــــــه تسلمين
موضوع مفيد بس مشكله اي شي طبيعي مفعوله بطيء جداَ
انا بحملي هذا قمة الاهمال والكسل ..بشرتي زفت وشعري ..
افكر استخدم خلطة الاعشاب لتنعيم الشعر علشان افتك وينعم شعري ..
بس خائفه تضرن سئلت العطار يقول مابه ضرر ...
وافكر استخدم ..كريم فير اندلفلي الي بالاعشاب ..
انا بحملي هذا قمة الاهمال والكسل ..بشرتي زفت وشعري ..
افكر استخدم خلطة الاعشاب لتنعيم الشعر علشان افتك وينعم شعري ..
بس خائفه تضرن سئلت العطار يقول مابه ضرر ...
وافكر استخدم ..كريم فير اندلفلي الي بالاعشاب ..
الصفحة الأخيرة