اتأكدي حبيبتي من نوع الحليب انا زيك ولدي من يوم ما انولد معاه امساك ووديته للدكتورواعطاني ملين للمعده وقاللي استخدميه اسبوعين لكن جاراتي خوفوني انه ممكن يتعود عليه فاستخدمته اسبوع وتركته ورحت لدكتوره ثانيه قالتلي لاتستخدمي ادويه استخدمي عصير البرتقال مخفف وعصير العنب الابيض روعه للامساك وفاد ولدي كثييير بس مشكلة ولدي لون البراز اخضر من يوم ما انولد مو زي الاطفال الثانيين اصفر اتمنى اللي عندها خبرة تفيدني.

ولدي عمره ثلاثة اشهر ونص يعني توه صغير واستخدمت ليه كلشي ماي وشكر ومنقوع التمر ولا فاد والحين توني مشتريه ليه دفلاك وانشاء الله يفيده


ويش اسوي والله كاسر خاطري

على فكرة انا اشفط ليه وقليل اعطيه صناعي يعني مرة في اليوم واستخدم ليه نان يعني مااعتقد من حليبي

مسامحة مللتكم بس ويش اسوي انتون خواتي واخذ من تجاربكم ونصايحكم بس اختي ممكن تبينين ليي شنو العنب الابيض يمكن يفيده ومشكوووووووووووووووورين

اطلت عليكم السالفة بس شسوي نفسيتي تعبانة منه ويش الحل

انا استعمل دواء من عند العطار بس صراحه ناسيه اسمه يمشي بطن الياهل ويهديه اذا كان فيه مغص او امساك( لونه اسود ومن داخل مثل الحلقات )مفيد جدا للاطفال يمكن الاخوات يعرفن اسمه