للحين مومصدقه

السلام عليكم اخواتي العزيرات

بقولك سالفتي اللي صارت لي اليوم والله والله مومصدقه للحين من الصدمه


ابدا لكم القصه وليت كل وحده تتخيل هالموقف انه صار لها


انا درست بالكليه اربع سنوات

كانت من اجمل ايام عمري

تعرفت فيها ع صديقاتي العزيزات اللي هم حسبة خواتي وقريبات مني مره
كنا شله مرحه


مرت هالاربع سنوات مثل البرق

عشنا فيها ايام حلوه ومره

تخرجنا

حزنا
بكينا
ع فرقنا لبعض
بس نتواصل

للان

بالتلفون

الزيارات

المسن

والحمد الله قلوبنا على بعض

نعرف اسرار بعض

كنا اربع

المهم

بعد التخرج صرنا ندور ع الوظائف بس انا ماني متحمسه ب مره حكم ظروفي وزجي ماصدق اخلص كليه واقعد له بالبيت

وماعندي نيه مره مره وصديقاتي كانوا يدرون وظائف مو للجاحه مشاء الله مرتاحين ماديا كلهم الثلاث بس تضيع الوقت خصوصا انهم مومتزوجات <<عسى ربي
يرزقهم وكل بنت يارب

كان دايم محور حديثنا عن الطفش وقعدة البيت المملله بعد الفله والوناسه والسوالف

ومتى نتوظف عشان بس نتونس ونوسع صدورنا لان البيت بصراحه ملل

المهم

كان عندي موعد وخلصت مبكره وقلت اروح الكليه وكنت مواعده وحده الشله لان اختها تدرس بالكليه مابعد تخرجت وقلت هي ظروفها مناسبه خل اشوفها من زمان عنها

جت صديقتي

وسولفنا

وانبسطنا وتقهوينا

وتذكرنا ذكريات لنا من اروع الذكريات

المهم

ونشوف بنت من الدفعه هالبنت الله رزقها بوظيفه بمدرسه اهليه

قلنا هلا فلانه وش جابك قلت ابد جيت اشوف صديقات اللي مابعد تخرجوا


المهم قعدت معنا شوي

وشوي تقولنا شخبار هتون <<<< صديقتنا من ضمن الشله



قلنا بخير تسلم عليكم كلكم

قالت اما تسلم علي وانا كل يوم بوجهها

حنا استغربنا

شلون

قالت هي موظفه من الترم الاول معنا بالمدرسه

غريبه ماعطتكم خبر

حتى البنت تغير وجهها وقالت خافف ماتبي تعلمكم وانا فضحتها
حنا انصدمنا

موظفه وماتعلمنا

طيب ماتبي تعلمنا هي حره ماعنه شئ عادي جدا وماظن احد بالدنيا يتوظف ويخبي لانه

ش مايتخبى ابدا

بالله عمرك سمعتكم وحده موظفه بالسر ولا تعلم
او وحده تدرس بالكليه ولا تعلم

هذي ماتدخل المخ :09:



واللي يذبح ليه ؟؟؟؟؟؟؟؟؟؟؟؟


تنكر ليه وتتكلم معنا على انها طفشالنه من البيت وزهقانه وانها تدور ولا لقت

وحنا كل ماسمعنا عن وظيفه بمكان قريب من بيتهم نعهطيها ونقولها



ليه تسوي كذا

خافه من الحسد

وحنا مثل الخوات كانمت علاقه جدا رائعه
وهي بنت عسل صراحه

وكنا حيل نمون على بعض لدرجة

حتى الملابس نتبادلها

والادهي والامر حتى امها عمرها ماجابت سيره اذا دقينا وقت الظهر تقول عندها موعد بالمستشفى والا مايردون ع التلفون



القهررررررررررررررررررررر
انها ادرى وحده بحبنا لها واننا نتمى لها الخير

انا وصديقتي اللي كانت معي انصدمنا:(






ابي مشورتكم

وش اسوي!!!!

اكتب لها رساله...............؟؟؟
لان الي سويته صراحه قوي مره ويحز بالنفس

والا اسوي نفسي مادريت

والا اكلمها واقولها واعاتبها

:(:(:(

ا