للخبيرات في الصبغة

ياهلا اختي ,,

انا كنت صابغه صبغه فاتحه نوعاً ما ومعاها خصل ,, وقبل العيد غمقت اللون بطريقة الرنساج لأن الصبغه بدأت تفتح .. وطلع اللون خيالي .. غطى الخصل وطفاها وطلع اللون الجديد لونين بني غامق والخصل بيج على اخضر زيتي مطفي ..

رووعه اللون .. وانا كنت عامله صبغه قريبه منها قبل سنه تقريباً فلما رحت على الصالون قلت لكوافيره تعمل لون مقارب ..

الظاهر ان الكوافيره عملت لك صبغه فاتحه وبسببها صار اللون على برتقالي .. واكيد اللون يضبط والغامق سهله انك تحصليه عكس شعرك اذا صبغتيه بالأسود صعبه تصبغيه فاتح الا مع سحب لون ..

توكلي على الله مع ان شعرك تعبان الحين .. لكن حاولي تروحي لوحده شاطره افضل من تعمليه في البيت .. يمكن مايضبط وتضطري تروحي لكوافيره مره ثانيه ,, فخذيها من اولها وروحي لوحده ممتازه

الله معك

شكرا غزال الحبارى على الرد ، تصدقي اغلب الكوافيرات ما يهمها الا تاخذ فلوس ، وقليل اللي تنصح لمصلحة الزبونة ، انا بالامس صبغت شعري مع انها لوريال الجديدة ، اجدد مجموعة ( فيريا ) لكن المشكلة في شعري اللي يضرب اللون دايما على احمر ذهبي ومشتقاته ، انا اريد البيج والاخضر والكاكي لكن صعب على شعري وغيرت يمكن خمس كوافيرات ولا لقيت واحدة تفهم عليه وتلقى له حل يتناسب مع طبيعته مع اني اشرحلها واوضحلها المشكلة وتطلع النتيجة اسوأ من اللي اعمله في البيت وعلى الاقل في البيت اعرف شو نوع الصبغة ، المهم رحت اليوم عند الكوافيرة وعملتلي رنز بدون فائدة وما نابني غير الاحساس بحرقان جلدة راسي ، وخسران فلوس مع اني قلتلها اني صابغة بالامس واخاف شعري يتعب ،
افكر في اني اصبغه لون غامق اما اشقر مطفي غامق او بني متوسط او بني شكولاتة . لكن هل هذه الالوان يمكن تغييرها بسهولة ؟؟