للخبيرات في تربية القطط

الله يعينك والله إنها شغله أول شي لا تكثرين لها حليب لأن بعضها يجيبلها وإنتي بكرامه إسهال وأفضل إنك تعطيها من باقي أكلكم يعني فتيلها دجاج أو سمك أو لحم أو من الأكل حقها إلي يجي في السوبرماركت بس لا تكثرين منه لنفس سبب الحليب وحاولي ما يكون أكلها ني عشان ما يجيب لها ديدان بعدين تنقلكم أمراض وإنتبهي من شعرها لأنه يسبب حساسيه ويجيب أمراض وإذا كنتي حامل لا تقربين منها (ما صارت قطوه) ووديها يطعمونها ولها في محلات الحيوانات أغراض للحمام (أكمل ولا هونتي وبيكون مصيرها الشارع تراني خبره فيهم وبعدك ما شفتي شي)تبين أقولك عن التسنين والإنفلونزا والمغص والمراهقه إنتي بس آمري

عزيزتى ترى انظف الحيوانات هى القطط يعنى لا تظنين بوسخ بيتك وسبحان الله اذا بغت تقضي حاجتها لو ايش لازم تطلع من البيت نظيفه بمعنى الكلمه ... وبعدين فيه مثل التراب خاص للحيوانات تحصلينه بالتميمي السيفوي بكيسه متوسطه الحجم افضل شئ بهذا الرمل انه يجلس معك 3 شهور تحطينه بطشت للقط وماله ريحه واصلا مايطلع ريحه ويجمع الفضلات الله يكرمكم مع بعض علشان مايتوسخ كل الرمل هذااا واحد .. طيب الاكل فيه معلبات لطعام القطط بالمراكز الكبيره الله يجزاك خير القطط ماتاكل كورنفلكس :) علشان تحطين لها خبز بالحليب المعلبات حقتها صحيه لان القطط معدتها حساسه من البهارات يعنى ممنوع اكل البيت العادي الا لو استسعرت عليكم نعديها لها وووواللى تحبه كثير نوع من الكرسبي اى الاشياء المقرمشه بتحصلينها بنفس جهت طعام القطط عاد هذا تاكله تسليه بالعصر وغير اوقات الوجبه لانهم يجوعون مثلنا طططيب وماء نظيف وحاولى تغيرينه كل ماحصلتى فيه شعر كثير اذا كانت قطتكم شعرها غزير لانه يدخل لجوفها وهذا يسببلها استفراغ بشكل مؤلم يعور القلب ولا تنسين تودينها البيطري كل شهر لقرض اظافرها علشان يظل اثاث بيتكم بخير وايضا فيه حقن لازم تاخذها وفيه شنبو خاص لها تاخذينه من العياده وعوديها تنام داخل البيت لان القطط تحب البراد تنام فى مكان مكيف لكن عوديها تنام فى مكان معين احنا شرينا لقطنا سله حلوه لكن هو طلع وجه فقر ينام تحت الكراسي .. موفقه

انا اذا شفت القطوه ما تشوفون الا غبرتي
واركض وساعات اصرخ اخاف منهم موووووووووووت
ما ادري اشلون تعيشون في مكان واحد مع هالحيوانات
والطباء ما ينصحون بذلك لأنهم يسببون حساسيه في الصدر للاطفال

شوفي اختي احنا اتربينا وبيتنا كله قطط واشكال والوان بس ربي ستر علينا لانو قريب وحده من قريباتي كانت حامل وفي الشهر الثالث مات الجنين في بطنها والسبب انو طلع عندها جرثومة القطط مع انو البسه اللي عندهم كل فتره يودونها لبيطري عشان يعطيها ابر ومهتمين فيها مره والله وطبعا نزلوا البيبي وسولها تنظيف والان تتعالج من هذا المرض واعطتها الدكتورة مضاد حيوي وقالتها ابعدين عنها ولا راح يرجع لك
بس حبيت انصحك هذا غير الحساسية اللي تسويها وانا صغيرة كنت طول اليوم اعطس بس مااقول لابوي من القطط عشان لايطلعها من البيت واصبر والله كانت حالتي حاله بس من الحب ماقتل وكنت اموت عليهم ومازلت والله يستر عليك

boint
الف شكر حبيبتي على النصايح ، ضحكتيني بسالفة التسنين والمراهقة هههههههه
، كم وجبة احط لها في اليوم ؟

المحبه للوفاء
تسلمين يا عيوني على المشاركة ، انا ما اتطمن اذا خليتها في البيت ، واتوسوس من الحساسية او انها تخرب الاثاث او تقضي حاجتها في مكان غير مناسب ، فاختصرت الطريق ووضعتها في السطح .



ظلال القرآن
حبيبتي نحنا ما نخاف من القطط بالعكس احبها جدا اولادي كثير يحبونها ، المهم تكون جميلة ونظيفة . والقطط حنونة للغاية .



pinkvip
شرفتي الموضوع عزيزتي ، نحنا ما فيه حولنا حوامل ، ومثل ما قلت هي مو في داخل المنزل ، وابني الاصغر يلبس قفازات لما يريد يمسكها لإن عنده حساسية لكن مو من القطط ، ولكن زيادة في الاحتياط اخليه يلبس قفازات وامنعه يضمها لصدره .