شوفي حبيبتي انا ما اعرف الاسعار مررة .. لكن راح اقول لك التفاصيل احنا حجزنا عن طريق مكتب سياحي .. اسمه سفاري لانكا .. مقر المكتب موجود في سيرلانكا .. ومسؤول المكتب اسمه رياز ..
تفاهمنا معاهم بالتلفون عن كل التفاصيل مسبقاً .. من غير اي دفعـ .. ويوم رحنا هناك دفعنا لهم
وهو يوفر لنا سواق وسيارة يرافقنا طوااال الرحلة >> مهم جداً .. هذا السواق انتي ما تتكفلين بأكله وشربه .. وهو مسؤوول عن تنقلاتك كلها وفي كل منطقة هو متكفل يوديك كل الاماكن السياحية ..
رحلتي كانت 11 يوم ..
طلبنا فنادق 5 نجومـ حصراً ..
وراح اقول لج الاسماء ..

منطقة بنتوتة .. روحي منتجع ايدن .. بحثي عن كل الفنادق اللي بذكرها في النت وشوفي الصور:)
منطقة نوارايليا .. روحي الاكواخ عبارة عن شاليهات رووعة لا تفوتك واختاري اغلى شاليه لانه مباشرة مقابل بحيرة خيالية .. مافي غيرهم هالاكواخ في منطقة نوارايليا
كاندي رحنا فندقين .. الاول هوناس فولس مرررة خيالي .. والثاني مهاوالي ريج .. مرررة خيالي كمان رووعة ..
كولومبو .. رحنا فندق غالاداري فخخخم وكشخة لكنها منطقة بعيدة عن الطبيعة
نوقومبر .. روحي منتجع دولفين مرة روووعة

لكن حبيت الفت نظرك ان سيرلانكا احسها مملة للاطفال لأنها مافيها اي اماكن ترفيهية كـ مدينة ملاهي مثلاُ .. تتميز بالطبيعة والبحيرات والانهار والشواطئ ..

وحبيت ألفت نظرك لنقطة ثانية .. سيرلانكا في الصيف مررة حااررة .. احسن الاوقات لها هي شهر ديسمبر ويناير وفبراير الجو خياالي وهذا الموسم لها.. لكن باقي الاشهر حارة

في هذا الرابط تشوفين رقم رياز اللي قلت لك عنه صاحب مكتب سفاري لانكا ..

http://travel.maktoob.com/vb/travel689297/

الحمدلله. جزاك الله الف خير وحققق لك ماتريدين واكثر يارب طيب اش رايك اغير لاندونسيا بس للاسف عندي مشكلة وهي ان شغالتي اندوسية اش رايك اخذها معايه اخاف ماترجع اش رايك

والله ما ادري جبيبتي .. اندونيسيا مررة حلوة كمان

روحي منتدى المسافرون العرب وشوفي تقارير سيرلانكا واندونيسيا وانتي احكمي بنفسك ..

بالنسبة لشغالتك .. والله ما ادري عنها ههه اكيد لو راحت اندونيسيا بتقول لك ابي اروح اشوف اهلي بس ان شاء الله ترجع:)..

لا تاكلين اي شي من سيرلانكا خصوصا الاطفال في عائله اماراتيه راحت سيرلانكا وتسمموا البيبي توفى مع الام والاب كان في العنايه لازم تاكلون من مكان نظيف ومضمون حتى لو غالي الصحه اهم