انا مع رئي الاخت اللي قبلي وانا بعد بطلت اسوي حلى ومعجنات مامنها غير التتفخ والشحوم اشتري تمر نخب اول ابرك من ميت حلى والغلا الله يعين ويبارك لنا فيما رزقنا

**** يعين

شوفي حبيبتي انا كنت زيك اتسوق ب800 او الف وما يجي اسبوع الا والبيت يبي لانه الخضار والخبز والحليب ما تجلس اكثر من اسبوع بس حنا اكثر منكم حنا اربع اطفال وانا وابو الشباب والشغاله بس اكتشفت طريقه حلوه
كان اول مصروف الثلاجه بالشهر لايقل عن ثلاث الاف صراحه وااااااااااجد وزوجي دايم يتذمر لكن شوفي شلون غيرت الوضع
صرت ما اتسوق جامد بداية الشهر لانه لما الواحد يشتري كل شي من معلبات ومواد لاغسيل وغيره يمكن المعلبات تنتهي صلاحيتها وحنا ما استعملناها عشان كذا جبت اربع ظروف وخليت زوجي يحط في كل ظرف 250 ريال وخلينا الاظرف في الدولاب وكل يوم بالاسبوع مثلا يوم الجمعه نسحب ظرف ونروح السوبرماركت ونتسوق حق الاسبوع فقط حتى الخضار والفواكه تكون بالكيلو لاني كنت اول ناخذ كل شي كرتون والله انه ربعها نرميه خربان ليش حرام طبعا هذي الطريقه حلوه بس طبعا يكون اول الشهر نشتري كرتون دجاج ولحم هذا مو داخل في الحسبه ........... والله وصارت ميزانيتنا اوفر جربي مو خسرانه
وبعدين اي اسبوع يكون فيه زياده حطيه في ظرف خامس يكون هذا للتوفير

الله يساعدنا يارب
إحنا تقريباً نفس العدد
بنتي وولدي وأنا وبعلي
ونصرف تقريباً زيكم بس بدينا نخفف هالشهوور علينا إلتزامات يعني حدود ال800

والدنيا صايرة نااااااار

((ما نقص مال من صدقة ))
سبحان الله تطرح البركة


الله يبارك لكم في مالكم وحياتكم

احسه عادي لكن لازم تعرفي ان البقاله غاليه والافضل تشترين بالجمله حتى الخضار والفاكه خذي اللي يكفي اسبوعين