للخبيرات ف الرياضة و للي عندها تجربة أفيدوني عساكم للجنة

صفصف00 :

هلا حبيبتي ... الرياضه صحه ... وكثير من الناس عندها مخاوف و تخيلات .. تخليهم يبعدون عن الرياضه لانهم يظنون ان بيكون لها تأثير سلبي .. انا اسوي رياضه من 15 سنه والحمدلله اشوف الأثر طيب جدا .. طبعا أمتن مرات و الحمدلله العضل يمنعني ازيد وايد .. ولما انزل وزن يكون باريحيه .. عندي اختي نصحتها بالرياضه من 10 سنين لان وزنها كان كبير .. وشجعتها وسويت معاها بس ..سبحان الله كان عندها خوف غريب ما ادري ليش .. قريت عن هالموضوع طلع .. في رهاب رياضي او رهاب (خوف) من الجيم ... (Gym phobia\ Gym intimidation) الواحد يفكر ان ممكن بتعور و بأذي نفسي أو بتكسر .. او ركبتي ما تسمحلي اسوي هالشي .. او ظهري في الم و و و أي شي بيربطه الانسان بالرياضه .. مع السنين اختي تحسنت ونزل وزنها والحين تنافسني :) الخلاصه: الرياضه فيها Beginner \ intermediate \ advance \ pro ..... انتي لازم تسوين الفئه الي تناسب جسمج و مع الوقت ركبتج او ظهرج او حتى تحكمج بالايد اليسار .. كله بيتحسن .. لان الرياضه = صحه = تحسين من مظهر الجسم و اهم شي تحسين الجسم من الداخل !! مثال السكوات .. تبدين بنزول بسيط واهم شي ال Form الصحيح .. لان الform الغلط بيألمج و بيسبب مضاعفات !أهم شي تقوين العضله عسب تكسب قوة انها تتحمل الضغط و هذا مع الاستمرار والتنويع في الرياضه Lunges .... بالنسبالي من اهم حركات الأرجل .. و تبدين بثني بسيييط للركبه و يكون موضعي , و افضل بمساعدة الحبل الثابت TRX.. كل حركه ممكن تتطور فمثلا تضيفيلها ثقل و تسوينها ك walking lunges with barbel and with pulse and jump و و .. فلو تحافظين عالشكل الصحيح للحركه يساعدج اطورينها وتقوين العضله بشكل مرتب أي حركه بتسوينها .. خذى الشكل المبسط منها .. ولما تسوينها حسي بالعضله .. يعني مب لازم السرعه .. التركيز هو المطلوب.. في حالتج أنصحج تسوين تمارين الSplit .. لان وزنج قليل فانتي تبين عضل .. يعني سوي يوم للأرجل و يوم لليد ويوم للظهر .. ويوم للجسم كامل .. و إبدي بالحركات بدون اثقال لين ما يترتب الForm عقب شيلي اثقال بسيطه و قفز و نط خليه لبعدين

هلا حبيبتي ... الرياضه صحه ... وكثير من الناس عندها مخاوف و تخيلات .. تخليهم يبعدون عن الرياضه...