للدبدوبات النص نص

اخواتي الاعزاء الرجيم الي جيباة دة للي عايزين يخسوا بس مش اوي ..يعني الي زايدين كام كيلو ( من 3- 6 كيلو ) و عايزين يعملوا رجيم بس مش قاسي اوي ...
جبت لكم الرجيم البسيط دة ..يضعف من 2- 3 كيلو بالاسبوع حسب نوع الجسم
الافطار :
ربع رغيف بلدي + بيضة مسلوقة أو 3 معالق فول بدون زيت بالملح و الفلفل و الليمون و الكمون أو قطعة جبنة قريش + شاي او قهوة بدون سكر و حبة لبن
الغذاء:-
ربع فرخة مسلوقة او مشوية أو قطعة لحمة بدون دهن مسلوقة او مشوية او تونة مصفاة من الزيت او سمكة متوسطة ومشوية + سلطة خضراء بدون اضافات (فقط ليمون وملح و فلفل )اي كمية + خضار سوتية او ني في ني بدون اي دهن + ربع رغيف بلدي
العشاء :
كوب زبادي او ثمرة فاكهة

ممكن بين الوجبات نأكل خيار او فلفل اخضر
اكثروا من السلطة الخضرة و سوف تخسوا و لكن وشكم (الوجة ) حيكون زي البدر من كثرة الفيتامينات الموجودة في السلطة ...
انا حبدئ الرجيم دة من انهاردة ان شاء الله و ربنا هو المعين لاني عمالة اتخن و لازم نحتاج لفرملة لحسن الموضوع حيخرج من ايدينا بعد كدة ...
مين يبدء معاي
علماً بان طولي 156 ووزني الحالي هو 62 كيلو ( يعني عايزة اخس 5 كيلو فقط ) يكون مناسب كدة معاي لاني متزوجة و عندي طفلة واحدة و المدة المحدد لها من 10 - اسبوعين