السلام عليكم ورحمة الله وبركاته دخلت عالم حواء وشفت الحبايب مجتمعين الله يسعدكم دنيا واخره والله ماتروحو عن بالي دائماً
يارب اقدر اكون معكم هنا بالتجمع وما أتغيب ابدا عن التجمع

اشوف جدولكم عن غرفة النوم وانا بالصدفة امس غيرت المفرش ونظفت تحت الفراش باقي لي ادراج التسريحه حوسه يارب اخلصها اليوم

السبت
غسل الفوط-السجاده-علب البهارات ونقع الملاعق والشوك والسكاكين
الاحد
الشباك-الشفاط -المكيف-الثلاجة

جمعت الفوط وبحطها بالغسالة ... عندي غسالة اتوماتيك واحس صعب احط كم منشفة ومو حلو بعد تجميع عدد كبير من المناشف مو نظيف ... اللي عندهم غسالات اتوماتيك وش نظامكم مع غسل المناشف ... افكر اجيب لها غسالة صغيرونة خاصة بها

جمعت الملاعق والشوك ونقعتها ساعتين وبحطها بغسالة الصحون وبحط معها فناجيل القهوة والشاي وباذن الله برتبها بالدولاب الخاص عندي اربعة ادراج تحت بعض .. الاول للملاعق والثاني فناجيل القهوة والثالث الشاي والاخير حاطة فيه المناشف ... فضيتهم الاربعة ومسحتهم بديتول وكلوركس وفيري ... ويارب ماتزورهم الصراصير وتقلب مزاجي :(

وان شاء الله بالليل لو ناموا الاطفال وانا بي حيل اكمل شغل الشفاط والثلاجة والشباك ...

مساء الفل جميعا
اليوم بعد صلاة الفجر قرات سورة البقرة
حضرت الفطور فطرنا زوجي راح عالدوام صلحت شوربة عدس 
رتبت غرفتي و مسحت الغبار بمناظيل معقمة كنستها و عطرتها
نظفت الحمام و غسلت سلة الزبايل اكرمكم الله و حممت ابني و غديتو 
جهزت لي عصير برتقال فرش و بعدين اغسل المناشف و الثلاجة 
استغفر الله و اتوب اليه

أم باسل وسلمى أنا احط المناشف حسب الألوان لأن عندي ألوان وأخاف تتخرب الألوان الثانية

حطيتها على دفعتين وعادي حتى لو العدد قليل اهم شي الغسالة تغسلهم في النشافة حطيتهم مع بعض

حتى مماسك الصواني و القدور حطيتهم في الغسالة لوحدهم عددهم قليل بس اهم شي عندي النظافة