للدكتورة نجلاء ، ابني 3 ايام حرارته 40

ابني يا دكتورة من يومين كلموني في الحضانة و قالولي انه حرارته مرتفعة و ادوله tailenol , , و انا لما روحت البيت اديتله دولفين الساعة 5:00 و بقي احسن لكن سخن تاني الساعة 9 و اديتله دولفين تاني و نزلت الحرارة
لكن الساعة 2:00 صباحا ارتفعت حرارته جدا وصلت 40 وديته المستشفي الدكتورقالي عنده احتقان في اللوزتين كتبله 3 حقنtriaxone 500و سيتال و دولفين 4 ساعات بالتبادل
الحرارة كل 4 ساعات بالدقيقة بتعلى تاني مع رعشة بتوصل 40 و تنزل بعد الخافض
لكن بالليل عليت الحرارة جدا جدا وصلت 40 تاني و مش راضية تنزل مع كل المخفضات و مع اني حميته بماء فاتر و عملتله كمادات لمدة 6 او 7 ساعات و بعدين نزلت و وديته للدكتور تاني لكن غير الاولاني لان الاولاني كان الطوارئ
قلتله هو اخد حقنتين فقالي كفاية و كتبله على megamox 228 و dolfin , kataflam , megafen لكن برضه الحرارة عليت باليل جدا مع المخفضات و ظهرت في رقبته جزء احمر داكن لونه نبيتي قريب من البنفسجي زي ما يكون دم محبوس
انا خايفة يكون من الحرارة الزايدة انفجرت بعض الشعيرات الضعيفة ، صحيح و لا لأه
ارجوكي يا دكتورة طمنيني ايه البقعة النبيتي دي ؟؟

انا قلقانه قوي
امبارح كانت تالت ليله ترتفع فيها الحرارة
غير انها مبقتش تتاثر بالمخفضات
يعني ممكن شعيرات تانيه تنفجر في مكان تاني زي المخ مثلا
معلش يا دكتورة انا قلوقة جدا زيادة عن اللزوم بس ارجوكي طمنيني
انا عارفة انا الحرارة غلط لو زادت عن يومين
انا ابني عنده 17 شهر
هو صحيح الحرارة تاثر على الاعضاء التناسلية للاولاد بالذات ولا عادي