والحين جايتكم بالمطبخ تكفون لان والله ماعندي ذيك الخبره
زي ماقلتكم بنقل شقه جديده ومحتاره في الاثاث
المهم انا افكر اني افصل المطبخ طبعا جهتين بس من المطبخ عشان مايكلف وانا حاطه براسي اني احط اكسسواراته حمراء والطاوله اسود لونها والمفرش احمر بالطول زي بعض صور شفتها هنا
المهم قلت دامني بحط احمر لازم يكون الدولاب اسود وهذا مستحيل او على الاقل بحط الرخام اسود
السؤال وش رايكم احط الرخام اسود والدولاب رصاصي او بيج والله ماني عارفه
انتو قولولي وشط احط لون الدولاب والاطارات ولاتنسون انالرخام بيكون اسود
شوفو هذه الصوره
اذا الفكره مو حلوه قولولي واقترحو عللى قبل لا اتورط
فديتكم وحده وحده لاتردوني
لاني جايتكم المره الجايه بالصاله ومجلس الحريم
على فكره في سؤال محيرني انا طاولة المطبخ مستطيله شوي حق اربع كراسي وطبعا انا دايم احطها بالمطبخ وناكل هناك
انتو وش رايكم المفروض يكون في طاولة ثانيه في الصاله للاكل على العلم اني في شقه والصالات ماتكون كبيره مره
اذا هذا الشي ضروري قولولي افكار بمكان طاولة الطعام