للرجل أن يفعل كل مايحلو له ولو كان سيئا.. والمرأة لابد أن تصمت وتتحمل

لا حول ولا قوة الا بالله


اختي موضوعك فريد من نوعه ودايم اسال ليه الرجال كل شي حلال عليه

ولكن الحرمه عيب وممنوع وحرام

نخاف نقول واحد غازلنا نطلع احنا الغلطانيين ولكن الرجال اللي يغازل بكيفه ما احد يقول له

يمكن يجي عند اهله ويقول غازلت وعادي بالعكس يقولون عنه صار رجال

والبنت ما تقدر تغازل زوجها قدامهم عيب وقله حياء

والله سبحانه انزل الاحكام بالعدل ولكن اين العدل بين الناس

اذا حدثت جريمه زنا الرجل عادي والبنت تقتل غسلا للعار مع انه الاثنين مشتركين في الذنب


اختي خليني اقولك قصة

مره انا اختي في السوق ماشين وخلصت فلوسنا اللي في الشنطه فقلت حق اختي روحي اصرفي لنا من الصراف وانا انتظر قدام المحل من التعب والله


وانا قاعدة اللي مرروا قدامي حريم معاهم واحد شيبه كبير انا ظنيت هذا ابوهم ولا جدهم طلع ما يصير لهم شي لانهم مروا وهو وقف تدرين ايش كان يسوي


كان يغمز بعيونه لي وانا ظنيت انه عيونه تعوره ورحت لفيت على الجهة الثانيه بس الشيبه قليل الحياء اللي ما يستحي ويخاف الله

جاء من الجهة الثانيه علشان يطالع فيني ويغمز بعيونه

المشكله ما كان صغير في العمر ولكن صغير في التفكير والعقل والمصيبه كنا في آخر العشر الاواخر من رمضان

المفروض اللي كبره يروح ينام او يصلي صلاة الليل مو يغازل بنات الناس

انا كنت بنقابي ومتستره وشكلي ابد ما يغري


ولكن عقول ناقصه ما تخاف الله

يعطيكي العافيه اختي والله يعينا على هالنوعيه من الناس