للرشيقــــــــــــــــات فقـــــــــــط؟؟؟؟؟؟؟؟؟؟؟

أختي الكريمه. . .

ماشي جدامج غير الريجيم. . .

لا تقولين ما أقدر لأنه هالشي عقبه كبيره في طريجج. ..

والبيبسي أنتي من نفسج تدرين أنه ضار وأكبر دليل أنج ذكرتيه . . .

عزيزتي. .
أنا ما بقول أني أحسن عنج. . .
بس أنا ولله الحمد كنت من مدمنات البيبسي لكني بعد ذلك وعند المقاطعه قبل سنتين. .
تشجعت وايد وايد. . وتركته وربي لا يعوهد. .
ولو ما تقدرين كبدايه للنهايه اشربي دايت وقللي لين ما تتركينه مره وحده. .

أما الريجيم فلازم تتوكلين على الله وتستعيني بالله. . وأختاري اللي يعجبج من خبر المنتدى. . .
بس نصيحه. . لا ادورين ريجيم حرمان. . لا ينقلب ضدج وتزيدين فوق وزنج كيلوات بعد. . .

===
وربي يوفقج. .
وترى أنتي تقدرييييييييييييييين
فكري في مساويء السمنه الجسديه والأهم النفسيه.. فاهمتني؟؟؟

ربي يوفقج. .
أختج
شوق وذووووووق

حبيبتي عاشقة الغروب المشكله اللي تعانين منها وايد من البنات يعانون منها وهي مشكلة العصر ....... وعلشان تتغلبين عليها أهم شي التصميم على الرشاقه والإراده علشان تتخلصين من السمنه وبعدين تفكرين بنظام غذائي يكون مدى الحياه ( وما أقصد الريجيم لأنه راح يكون شي مؤقت سرعان ماتردين لعاداتج الغذائيه بعد ما تحققين هدفج ) ويكون هذا النظام صحي بعيد عن الحرمان ومحسوبه كميه السعرات الحراريه فيه .... وأهم شي تجنب ( السكريات - الدهون - المشروبات الغازيه ) وبالتدريج حاولي تخففين من البيبسي ودائما أستبدليه بالعصائر الطازجه .
وبالقسم راح تلقين موضوع مثبت عن السعرات الحراريه في جميع الأطعمه ................ وعندي طريقه مفيده جيبي دفتر وقلم وكتبي الأكلات اللي تاكلينها واللي هي سبب هذي السمنه وحطي مقابلها الأطعمه البديله ( أعطيج مثال يعني تكتبين مثلا حليب كامل الدسم وبالمقابل حليب خالي الدسم ....... ألخ ) وجذي راح تشوفين سهولة النظام الغذائي الصحي واللي ما يتطلب أي حرمااان .
وأهم شي مزاولة الرياضه وبإنتظام وأفضلهم على الأطلاق المشي ( شوفي موضوع المشرفه ميران عن المشي وراح تشوفين مدى أهمية هذي الرياضه في صقل وتنسيق الجسم )
وأقولج هذي الملاحظه لا تنتظرين النتائج من أول أسبوع لأن مستحيل الجسم يضعف ويتغير بأسبوع واحد فقط على الأقل أنتظري 3 أسابيع وراح تشوفين النتائج مبهره وهذي من تجربه شخصيه راح تشوفين أن الملابس وسعت وحتى مقاسات الجسم .
أتمنى إني أفدتج ولو بجزء بسيط والله يوفقج وتوصلين للرشاقه .
:24: :24: تحياتي لج

حبيبتي 00000شوق وذوق 00لانك فعلاَ كلك ذوق أشكرك على الرد ولكن بأذن الله أحاول أقطع البيبـــــســــي :23: البلاء أني عارفه بمضاره ولكن جربت أقطعه وقدرت لمدة أسبوع ولو تشوفين حالتي تكسر الخاطر كأني طفل في مرحلة الفطام "ورجعت حليمة لعادتها القديمة "ولكن مافي شىءمستحيل لاني الان على حدالخطـــــــــــــــــر:06: :06: ولكن أنتظريني مع قائمة ملكات الجمال لهذه السنة :11: :11: :11:

عيونـــــــــي000 عطر البوادي أشكرك من أعماق قلبي على ردك الذي أعطاني الحماس باذن واحد أحد وعلى فكرة تعجبني مواضيعك في المنتدى 0000000 وعلى فكرة راح أعمل ما نصحتيني به لاني أثق بكلامك فهو منطقي من جد أطلعت على رجيم السعرات لكن ماأعجبني ولكن أرى رجيم التمر مش بطال والله يعيني على ما بليت نفسي به ولكن أستأهل العذاب والحرمان من حبيبي البيبسي :44: أنتظريني بعد أسبوع من الان لاني راح أطبق الرجيم من بكره أبغى التشجيع لاتغلب على السمنة

عزيزتي عاشقة الغروب
انا واثقة من عزيمتك في انقاص وزنك ان اردت.... فاختاري ما يناسبك من الرجيم ونصيحتي لكي هي الا تتوقعي ان ينقص وزنك بعد يوم او اثنين او حتى اسبوعين من الرجيم، فتيأسي وتقولي: خلاص ما في فايدة... كل انواع الرجيم يحتاج لبعض الوقت ليظهر مفعوله وعندما يبدأ وزنك في النقصان سوف تزداد حماستك للاستمرار فتحلي بالصبر خاصة في البداية والله الموفق...