للشعر التالف (خاص باللي يدامون )موظفات وطالبات

السلام عليكم ورحمة الله وبركاته 
شلونكم حبوبات 
///
من باب حب لاخيك ماتحب لنفسك 
والله اني صادقه ولا اكتب شي الا بعد تطبيقه ع نفسي علشان مافي احد ينظر 
///
بدون مقدمات  ياقمريااات  
الموظفات والطالبات واللي عندهم دوام بشكل عام  ماعندهم وقت طول الاسبوع للاهتمام بنفسهم ياحرام دايم بشراتهم باهته وشعورهم جافه من الاستشوار. والشامبو   الخ 
///
ندخل موضوعنا انا كنت ايام انا صغيره شعري مضرب مثل في الجمال والنعومه والكثافه لان ماما ربي يحفظها كانت تهتم في شعري وتحنيه 
يعني عودته ع الحنا 
بعد مادخلت الكليه وتخرجت وتوظفت صرت انا اهتم فيه وطنشت الاهتمام بس شامبو واستشوار عذبته المسكين وتحول من شعر حلو الي شعر شين ناشف من الاستشوار وجاف ولا فيه لمعه والسبب كنت حتي زيت مافي وقت ازيته طول الوقت مشغوله الله المستعان يارب 
///
هنا قلت خلاص ياحظ وقفي كفايه استهتار 
شعرك صاير بشع  
فكرت وفكرت قلت ليه ما ارجع  لعناية ماما 
رحت سالت ماما يارب طول بعمرها قلت شنو 
كنتي تسوين لشعري لانه كان روعه 
قالت ازيت شعرك بنارجين واحط حنا 
رحت وسويت الطريقه هاذي 
ومن ثاني استخدام رجع شعري  روعه لان شعري بالاساس حلو بس يبي عنايه 
واعجبتني النتيجه حتي ماصرت استشور مو محتاج ('معليش استحملو  قصيت قصة حياتي )
بعدين صرت طماعه زود 
شفت هنا في عالم حوا 
خلطه مقاديرها بيضة وعلبة زبادي وملعقة عسل 
قلت ليه ما اجربها 
وكنت متردده لانه في وحده تقول نشفت شعري 

////
الحين نجي للموضوع الموهم ليه نشفت شعرها لان طريقتها خاطيه 
///
وهاذي خلطة الزبادي الصحيحه وعن تجربه 
راح يكون شعرك رطب جدا جدا والاهم فيه لمعه عجيبه نتيجه فتاكه من اول استخدام 
///
زيتي شعرك زين زين بالزيت المعتمد  عندك 
خليه يدخل شعرك زين  عشر دقايق 
بعدين اخلطي زبادي خليه يدفا لاتحطيه بارد
 واضيفي ملعقة عسل واخلطيهم بالملعقه زين 
انا استغنيت عن البيض لاني ماتحمل ريحته ع شعري 
وفردت الخلطه ع شعري وع اطرافه زين 
ونمت فيه  يعني جلس ع شعري  من 11لحد 9الصباح  وبعدين غسلته شامبو  واو  روعه مره 
///
ملاحظه لازم تزيتي شعرك وتحطي الخلطه ع الزيت بدون مايتزيت ماتنفع ابدا تنشف الشعر 
////
وسلامتكم