للصبر حدود يابنات

حبيباتي انا ماعندي حد اشتكي له ولا حد يقولي اصبري لان صبري نفذ
اخواتي انا عايش في بيت بروحي انا واولادي وزوجي والحمد لله ومرتاحه وايد بس المشكله ان زوجي قبل نزوج كان متزو بنت خالته ومعاه اولاد منها واهله يحبونها موت بس صارت بينه مشاكل وصار الطلاق وانا طبعا مالي خص بالموضوع اتزوجنا وجبت 3عيال وانا كل ماروح زياره بيت اهل زوجي لازم حد يسمعني كلام او اروح اقعد بروحي الكل في الغرف مايطلعون وانا صارلي خمس سنوات على ذا الحال لا والمشكله العوده انهم مايحبون عيالي ابد كله ضرب وعمي ابو زوجي تخيلو خمس سنوات وهو حتى مايقولي كيف حالك وما يحب عيالي ابد وكله يصارخ عليهم على شي تافه وانا صابره واليوم روحنا زياره وصارت مشكله بين الاطفال يعني بين بنتي الي عمرها اربع سنوات واخوها من ابوها وهو عمره تسع سنوات تخيلو ايش الي صار جا ابوزوجي وصرخ بوجه الصغيره وقال لها لو مره ثاني بتجي هذا البيت لاتلمسي اخوانك ولا باذبحك طبعا يصد اخوانها من ابوها وبنتي يحليلها تخبت وراي من الخوف ولا عاد تحركت وانا طبعا تميت ساكته لين ماروحت وخبرت زوجي وكال
ده معله اصبري علشاني وانا طبعا احب زوجي ودايما اضحي باشياء كثيره علىشان خطره بس اليوم ماقدرت اتحمل وحرمت اني ادش بيتهم وحلفت بالقران انهم مايشفوني لا انا ولا اولادي
انا والله اكتب لكم وانا دموعي تنزل من القهر
انا اكيد طولت عليكم بس ابي حد يقولي انا غلطانه ولا تظلموني بردودكم بس الي اباه تنصحوني وبنفس الوقت تواسوني واشكر كل وحده بترد علي وجزاها الله خير