للضعيفات بالتبويض سمعوا قصتي وخلوا املكم بالله

اخواتي حبيباتي

كتبت قصتي علشان انا اعرف باللي تمرون فيه وحاسة فيكم لأني مثلكم :44:
اللي صار اني رحت لدكتورة جدا مشهورة بالكويت للفحص وشافت بالسونار وقالت لي انا راح اعطيك منشطات للمبايض علشان يصير بطن واحد وتوأم بدون ماتشرح لي الحالة طبعا لأنها دايما مستعجلة :29: وعطني دوا لمدة شهر علشان تنظم العادة مع انها منتظمة وقالت تعالي بعد 23 يوم علشان نبدا الأبر........ وفعلا رحت على الموعد وبدينا ابر التعذيب وين رايحة للطبيب ومن وين جاية من الطبيب وهكذا وكانت الأبر جونال اف المؤلمة جدا وميجنون بديت بواحد باودر وواحد ماء وانتهيت بأربع باودر يعني ابرتين باليوم المهم في اليوم الثامن الفحص باسونار لمتابعة التبويض يعني بعد ماخذت 14 ابرة ان الإخت الدكتورة مسافرة وفحصتني دكتورة عندها شهادتها ممارس عام المهم زادت لي جرعة الأبر :( عادي قلت شدة وتهون المهم كملت وكملت الى ان وصل عدد الأبر الى 26 ابرة تعذيب وجت الدكتورة الفاضلة تفحص قالت : سوي تحليل دم هرموني قلت لها سويته من شهر........................... تخيلوا كل هذي الأدوية وهي موشايفة التحليل؟؟؟؟؟؟؟؟
المهم فوجئت الأخت بالتحليل في ملفي فشنو قالت ؟؟؟ تخيلوا دكتورة تقول لمريضة واضعة املها بالله وفيها : بويضاتك مقاسها 5 ماتستجيب للعلاج ...وهرمونك عالي عندك سن يأس مبكر :06: يعني من تحليلك اعطيكي 43 سنة (علما بأن عمري 36 ) سألتها مرت عليكي حالات كثيرة مثلي صاروا زينين؟ حملوا؟ قالت في ناس تتعالج وفيه ناس لأ :44: تخيلوا دخلت الطبيب علشان توا~م اطلع بضعف شديد بالمبايض وسن ياس مبكر طلعت من عندها ماشوق دربي من البكي والإنهيار شقول لزوجي ومعقولة هذا الكلام ؟؟؟؟؟؟؟؟ المهم رحت طيران لدكتور مشهور يابنات وفحصني فورا بالسونار من غير ماأقوله شي غير اللأبر المهم قالي مقاس البويضة7 لاحظوا مو 5 المهم قالي انا بشوفها على طبيعتها من غير ادوية وين يوصل حجمها ؟ وسالته عن التحليل تبع سن اليأس المبكر قالي الهرمون عالي عندك بسبب تكيس صغيييييير بالمبايض ولايعطي مؤشر بأي عمر انتي........المهم قالي روحي وتعالي بعد 4 ايام بدون ابر ولا ادوية ورجعت له بعد اربع ايام وش قالي؟؟؟


مقاس البويضة 14 وانتي في ايام اخصاب روحي لزوجك اليوم وانشالله تخبرينا اخبار حلوة
وطلعت منه ماشوف دربي من دموعي :42: بس من الفرح هذي المرة :42:

يابنات الفكرة من كل هذا
1-الله سبحانه بيده كل شي
2-مو كل دكتور مشهور يستحق اسمه
3- جربي عند دكتور واثنين يمكن يكون واحد مهمل او لابخته الشهرة
4- والله والله والله بنت عمتي حملت ببنتها وكانت توها طالعة من الطبيب وقايلها مقاس البويضة 12 تخيلوا قدرة الله
5-وبعدين من الأشياء اللي قالها لي الطبيب ان المبيض يختلف نشاطه من شهر الى شهر
6- خلي املك بالواهب الجبار هو على كل شئ قدييير سبحانه