صحيح كلامج اختي
لكن انا ما اشعر بالملل بس انا خلاص دفنت نفسي لا اروح و لا اجي ولا اطلع و لا اجتمع مع احد

انا خلصت ثانوية
وما صار لي خلق اكمل دراسة علي بالي قعدة البيت افضل من الدراسة و مطالبها وحفظها

و جلست 4 سنوات عاطله كلها نوم و الروتين يومي ما يتغير شئ

واذا جلست مع صديقات الدراسه سوالفهم تختلف عندي سوالفهم عن الجامعه

و لما نجتمع من جديد انا اتعذر اجتمع معهم

ودفنت نفسي في البيت ما اقابل احد و لااطلع اعراس ابددددد
و صرت افكر ليه ما كلمت دراستي اصبح التفكير مثل الكابوس و الله يشهد
والكل يسالني عن السؤال و صار نقطة ضعف و قهر احد يسالني هذا كله من غباء وجهل فيني اني ما كملت


مرة وصلني كلام من وحده من البنات انها افضل مني لانها جامعية
انتهت 4 سنين وانا جالسه في البيت

وبعدين فكرت اني ادرس و اغير جو درست حاسب سنتين
وخلصت بامتياز

والان اخذت الشهادة وجلست فيالبيت لي الان ثلاث سنوات خلصت دراسه
واللي درسته نسيته

قدمت على وظيفة
وكلموني وماصار نصيب لي فيها

لكن للان احس نفسي مخنوقة و ابغي اطلع لو امشي مو اتمشي احرك نفسي
و نفسيتي من سئ الى اسوء
حتي النت الا هو عندي متنفس لي اصبح ممل لدرجة لايطاق


اعتذر لسردي الطويل كاني لقيت موضوعج فرصه و نفس همومي و طلعت الا فيني خخخخخ
اختي الله يرزقج بوظيفة صالحة ان شاء الله ويرزق الجميع ويرزقني

لا ياقلبو لا تقولي شو فايده الدراسه طول هالسنين وين راح اجر طالب العلم وكل العلم اللي درسناه ..
وبعدين احنا ندرس للوظيفه ولا لنفسنا .. لا ندرس لنفسنا .. عشان نرتقي بعقولنا وبالمجتمع ..
ندرس عشان نقابل معلمات ما ننساهم وندعيلهم ..
ندرس عشان نقابل صديقات العمر ولا شو ..؟

بكره مع عيالك راح تشوفي فايده تعليمك ..

مع ان جداتنا الله يحفظهم مهم متعلمين بس مافي احسن من تربيتهم..
بس شوفي كيف حرصهم ع العلم اللحين..

والله ان جدتي كل ماسمعت سيره ماجستير قلبت علي الدنيا الاااااا تقدمين خخ

معاك عاطله بكمل سنتين وبرضو مااقولك الوظيفه مو مهمه بالعكسسس هي تكميليه لشخصيه كل وحده

وع قولهم الشهاده سلاح ماندري ايش يصير لكل وحده فينا الله لا يجيب الا الخير
بس برضو الشهاده مهمه وانا عندي اهم من الزواج

واذا ع قعده البيت ياااااااااااااكثر الاشياء اللي ممكن نعملها
اتفنني بالطبخ وريحي امك .. سجلي بدورات .. سجلي تحفيط عصر .. صومي واحفظ قران .. اقرأي .. شوفي برامج مفيده
والله اشياء كثيييييييره بس احنا مقفلين عيوننا ونبى الوظيفه وبس :44:

والوظيفه الله يرزقنا ان شاء الله جميعا ,,:26:

سوري شكلي طولت خخ :)

اااااااه

خلي الي بالقلب بالقلب

الله يرزقنا بوظائف

المصيبه كل ما قدمت في مكتب للتوظيف يقولو لازم اختلاط

وانا لو انطبقت السما عليه ما توظفة مع رجال مره صعبه

الله يرزقني واياكم بوظيفه محترمه

انا ابد ماتحسفت على سنين الدراسة وبعد اطمح لدراسات عليا الله يسهل وليس للوظيفة بل طموح
لكن اللي يقهر اذا شفتي ناس ماتستحق وتتوظف وتكون بمكان حساس مثل التربيه وهن اصلا ممن يحتجن لتربية انقهر لأن هالنوعيات بكثرة بفعل فيتامين و بينما المتفوقات امثالي ولله الحمد تستبعد لأمور غير منطقيه فقد تم استبعادي لو جود من اعلى في نقاطي وبالنهاية اكتشفت بعض ممن وظفن مع استبعادي
نسبه ضعيفه وليس لديهن خبره فأنا احتاج لمن يفهمني أنا من الأوائل على الدفعه كيف هم اعلى مني نقاط ؟؟؟؟؟؟؟؟؟؟
حسبنا الله على كل من تسبب بهالفوضى

ليه ماتدرسين كملي دراسه اذا مخلصه ثانويه ادخلي انتساب بالكليه اذا مخلصه جامعه ادرسي درسات عليا خذي دورات لاتقعدين كذا