للعرايس....ان شاء الله اقدر افيدكم

أنا بعرس قريب يا أم ندى (بعد أسبوعين بالضبط)
ياريت الغالية تقولين لي شو الأشياء المهمة
اللي أخذها معاي وشو الأفكار اللي عندج حق
ليلة الحنا علشان أنا أحب الناس يستانسون في الحفلة
مثلاً أفكار غريبة وحلوة علشان إحنا نحب الربشة وايد
وأي نصيحة تحبين تنصحيني فيها أو أي شي إنتي جربتيه
سواء كان مستحضرات ماكياج أو غيرها وتشوفينها حلوة
للعروس .
أدري إني صدعت راسج بس استحمليني وآخر طلب أبغي
أطلبه منج هل تعرفين خياط أو خياطة في دبي أو الشارقة
أو عجمان أو أم القيوين يعرفون يفصلون فساتين بسيطة
وتنانير وقمصان بس تكون المقاسات مضبوطة وخطيرة
وياريت تكون فلبينية بيكون أحسن

أتريا ردج

أم عيـــــــــون فتــــــانــــــــــة

هلا عزيزيتي ام عيون فتانة ...

انا الحمدلله عرسي كان حلو لاني تعبت فيه وايد ...
بالنسبة للخياط مال التنانير في خياط في الشارجه (على فكرة انا من الشارجة)في خياط في حلوان اسمه خياط زكية بصراحة نحن نتعامل معه من زمان وشغلة زين بس توديلة القياس المظبوط وتقدرين بعد تسوين عنده الفساتين البسيطة عنده بيظبطلج ان شاء الله..بس اذا كان الفستان يحتاج لشغل مثل السلاسل سيري عند خياط الغافة ...المصمم هندي بس عنده فليبينية للقياس و اسعارة عادية انا فصلت عندهم وايد حق زهبتي...وخالتي تتعامل مع خياط بعد شغله زين خياط الفاتنة...

عن المكياج انا يبت هيفاء اكيد سمعتي عنها هي مواطنة شغلها وايد حلو للعروس في ليلة الطرحة بس لا تسوين الشعر عندها انا يبت وحدة لبنانية شغلها حلو..تدرين وحدة من الاهل عرست ها الشهر وخلت هيفا تحطلها اللون الازرق طلع رهيب والله ........ززعلى فكرة ترى اللون هذا موضة السنة

وحق الحنة سرت صالون مرام اللي في البحيرة ..
وتحنيت في صالون رشنا (في دبي)
بعد تامرين اب شي انا في الخد مة

جزاكي الله كل الخير يا ام ندى

بما انك عرستي قريب ........ بغيت اعرف برنامجك للعناية بالبشرة والجسم والشعر قبل العرس......

وبغيت اعرف اذا ما في اي احراج........ عن الزهبة (( زهبة العروس)) يعني كم جلابية فصلتي او اشتريتي .. قمصان النو م ... نعال ... الميك اب ؟؟ من وين اشريتية.........
العطور والبخور .....من وين اشتريتيهم ....؟؟؟؟


اتمنى لكي حياة سعيدة وان يرزقكي الله بالذرية الصالحة

هلا اختي حروف الحب ...

بصراحة انا وايد استفدت من منتدى عالم حواء خاصة في قسم تجهيز العروس و قسم العناية بالبشرة انصحج اختي انج اتسيرين قسم العناية بالبشرة وتشوفون اي ماسك مناسب لبشرتج و جسمج ...بصراحة انا جربت اكثر من ماسك لين ما حصلت الماسك المناسب لبشرتي ولين احين استخدمة بقولج الطريقة ....
المكونات:- نص ليمونة + نص ملعقة صغيرة خميرة (انا استخدم السريعة) + نص ملعقة صغيرة زيت زيتون + نص علبة روب (الافضل انه يكون زبادي المراعي ) تقدرين تحطين العلبة كلها بس تتركين شوي يعني اكثر من النص بشوي طبعا لازم يكون بارد تخلطيهم مع بعض بعدين تتركينة شوي لين ما ترفعين شعرج بعدين تحطين على الوجه والرقبة لمدة نص ساعة .... بعدين اغسلي بالماء البارد بتشوفين انا ويهك امنور ....

تدرين انا عرفت هاي الخلطة بفترة اسبوعين قبل العرس فكنت احطها كل يوم بس احين احطها في الاجازة يعني كل خميس...
ان شاء الله يكون الماسك مناسب لبشرتج...:27:

هلا حروف الحب ..

بالنسبة للزهبة بصراحة انا ما كان عندي وقت لأن كنت مشغولة في كلية و كنا في رمضان وفي نفس الوقت كنت اجهز غرفتي...يعني وايد كنت مضغوطة..بس الحمدلله رتبت كل شي ..
شوفي انتي سويلج جدول وحطي من البداية المبلغ يعني مهرج .. يعني كم حق الفستان و اللبس و المك اب و اغراض العرس و الذهب .. بس تبين الصراحة انا بالنسبة لي انا العروس تشتري بمهرها كلا ذهب لأن الاشياء الثانية كلها ما بتنفعج مثل الذهب :41: ( مستوية فيلسوفة ادري )LOOOOOOOOOOOOOOL
ويمكن تحملين ان شاء الله بسرعة يعني ما استفدتي من الاغراض.. انا في راي انج تشترين في الحدود المعقولة ..انا سويت ها الشي والحمدلله ارتحت واستفدت من الاشيار اللي اشتريتها ..بس ما حطيت وايد حق الذهب ها الشي اللي شوي غلطت فيه


:27: