للعرايس فقط 0 هديتي المتواضعة لكن--------------

السلام عليكم عرايس المنتدى

المهر والجهاز في وقتنا معادلة صعبه لكن نقدر نتغلب عليها بالحكمة0
والقلم والدفتر في هالمرحلة مهمه0
بالنسبه للذهب بصراحة العروس في رأيي لابد لها من طقم الماس عليه القيمة+ساعة الماس 0
مع طقم صغير ذهب للمناسبات العائليه0 وساعه ساده للأستعمال اليومي0
وبالنسبه للذهب الله يخلي لكم الهدايا0

وطبعا عندك العثيم للمجوهرات في طيبه وعنده عرض مره ممتاز الطقم مع الدبلة وعقد لولو وساعة اسبورت(دعاية لهم)

والساعات لا تتعدون الدهام فعلا اسعار معقولة وتشكيلات متميزه خاصة انهم منزلين ساعة شارلي باأحجام كبيره وايضا لأرمين0
ولاتنسين الأكسسوارت الخفيفه والناعمة0

ونجي للملابس طبعا تختلف المناسبات من عائلة لأخرى ولكن نصيحه فستان الزواج غير الأبيض لا تتعدين نصيحة البسيه في ليلة العمر وفي مناسبة راح تنزفين فيها(زياره-ضيفة-تحوال) ويكفي انه ابيض راح يعطيك فخامة0 ولا راح احد يلبس نفس لونك0
بس احرصي ان يكون الصدر مشكوك ونهاية الفستان(طرفه)مشكوكه ولا تنسون اكسسواراته(الطرحة ويفضل ان تكون من الدنتيل المشكوك على الموضه والمسكه تكون بالكرستال+بالأضافه الى اكسسوارات الشعر )

الفساتين الثانيه خليها كلها فخمه لأن هذا وقتك تلبسينها ولا تنسين اذا لقيتي موديل لا تخلينه طبق الأصل من الصوره ولا تسوين نفس لونه تلقين وحده مسويته كربون وتصيرين انتي واياها طقم0(ابدعي وخلي تفكيرك ينسكب بغزاره فاأنت سيده الموقف في هذا العام)

بس نصيحه لا تكثرين ثلاثه مع حق العرس تمام0 وطبعا عارفين الموضه الدانتيلات والتفتات بس انتي غير الناس نقي لك القطع المشكوكه والفخمه(اليوم يومك)وما فيه مانع ان تكون الدانتيلات مشكوكه وكذلك التفتات0 وعندك الجاهز في السيركون والموسى 0


التيورات اختاري الناعم ونوعي في اختيارك من مشجر الى ساده من مشكوك شك خفيف الى اقمشة مميزه وايضا بالنسبه للبليز والتنانير لا تكثرين0 وابتعدي عن الأسواق متري طريق العليا العام والتحلية لأن الأسواق ماركاتها متكرره وممله والكل يأخذ منها مثلا عندك النمر+باكو+وفيه واحد على طرف لساني (نسيت اسمه بس هو دورين -عندك ليمون يعني فرفري وادخلي المحلات النسائيه عندهم حركات 0

بس ايضا لا تكثرين خليك على ستة تيورات والبلايز حسب حاجتك لها0 ولا تنسين الأكسسوار لك تيور الشعر والشنط وحتى الجزم (الجزم والشنط ادرسي اسعارها كويس مو مهم ماركه المهم ان تكون مريحه وكشخه وغير صحاري وبنتها صحارى بلازا لا تتعدين0)ولا تنسين كم شبشب تلبسينها مع الجلابيات والطلعات الخفيه0





ونجي لملابس البيت والداخلية(من تجربة) ابتعدي عن الماركات(الرجاجيل والله مايدرون وش الماركات)وقشي من الأسواق الشعبية والله عندهم حركات روعه0(الريس-الجوده-وغيرها الكثير تلقينها في طيبه والعويس0


والجلابيات عندك صحاري وبنتها اللي جمبها وخذيلك 2 فقط0

والمكياجات غير الماركات لا تدورين هي والعطور(لا تقعدين تخمخمين ادرسي الميزانيه قبل وحددي) واحرصي ان تكون العطور بحجم صغير على شان الشنطه0 وعندك عطور كريستيان ديور مره حلوه 0 مثلا عطر فور ايفر+اديكت+تندربويزن--وشنطة المكياج لا تنسينها 0

ولا تنسين العود والبخور0

والأستشوار مع الأمشاط واداة الحلاقه(يفضل براون القديمة)0 وبعد شنط العرايس عندك الجارلله في العويس وعنده ايضا اطقم ارواب ومفارش مره حلوه0



ايضا العبايه خذي لك 2 مع الطرح والغطاوي(لا تنسين تكون ساتره يعني بدون شك وخرابيط)
----------------------------------------------------------------------------------

طبعا الكوشه(ما دخلت مزاجي)بس البيج والعنابي موضه قديمه اللحين الكوشه بيضا اذا كان الفستان ابيض وا0لأضافات زهر وسماوي فاتح (شرايط-شموع-ورود-زهور-البطاقات-هدايا العروس0الشوكولاتات )وممكن شويه جرءه وتكون برتقالي او اصفر0 ومتى ما دخلتي اي لون على الكوشه لازم يكون الفستان عليه حركه من هاللون 0


ولاتنسين برنامج العروس(ما هضمته تسويه الوحده لنفسها احسن وابرك)
ولا تنسين الدعاء بأن يوفقك الله0
تحياتي للجميع0:32::32: