للعرايس والمتزوجات حديثًا .. كيف تملكين زوجك؟

السلام عليكم

كيف الحال والأحوال ؟ :)

حبيت أقولكم بعض النصائح اللي تقدري عن طريقها تمتلكي زوجك .. وعن تجربة شخصية
الرجل إذا تعوّد على شي وانحرم منه فجأة يتعذب
وهذا هدفنا تعذيب الرجال << كأني شرانية :35:

يعني من بداية حياتك عوديه على شي معين تسويه حركات معينة
مثلاً بوسة قبل النوم
توديعه لما يروح الدوام
استقباله لما يرجع
الابتسامة
تجلسي جنبه وجسمك لاصق فيه
أشياء بسيطة وماتكلف ولا تاخذ منك وقت

إذا عودتيه عليها وجاء يوم زعلّك فيه وش تسوين؟
احرميه من هذي الأشياء
بس انتبهي إذا طلب شي لا تقولين لا ما أبغى أسوي
سوي اللي يبغاه بس الأشياء اللي تعود عليها لا تسويها
يكفي إنك مكشرة ومادة البوووز شبرين
هذا الشي يكفي إنه ينفجر ويحاول يراضيك
حتى لو ما راضاك بشكل مباشر تلاقيه يطالعلك نظرات كأنه مقهور ومو عارف يتصالح معاك


ونصيحة
لاتعوديه على شي صعب إنك تستمري عليه طول حياتك
مرة قرأت وحدة عودت زوجها تلبسه الفلينة الداخلية قبل ما يروح الدوام
وفي يوم كانت مشغولة ومالبسته
عصب وزعل منها ولبس الفلينة وراح عمله زعلان خخخخخ


بس لازم تتأكدي إنه فاهم سبب زعلك
ولا تزعلي من راسك وإنتي الغلطانة
انتبهي تنقلب عليك

وإذا بدأ يراضيك ابدئي ليني معاه
لاتستمري في الزعل
و إذا صفيت الأمور ارجعي للعادات اللي عودتيه عليها
تلاقيه متلهف عليك ومبسوط منك


الله يسعد كل زوجين ويديم الأنس والمحبة ويبعد الزعل عنهم :)


دعواتكم :)