للعزابيات

نبدأ بتحية الاسلام..
السلام عليكم ورحمة الله وبركاته ..


لاني كنت من اهل هالقسم وكنت اكتب نفس المواضيع متى اتزوج او انا ماانخطب او احس اني فقدت الامل ....الخ
لدرجة كنت اتخيل نفسي كيف وانا جالسه جنب زوجي في السياره وكيف بلبس قصير على كيفي كنت احسه هالاشياء خيال لاني كبرت شوي ع الزواج
وللاسف راحت اجمل ايام عمري وانا افكر في المستقبل ولا انبسطت وحللت عزوبيتي


وجاء اليوم اللي انخطبت وتحقق حلمي وتزوجت وانبسطت الحمدلله بعد كم شهر سوينا فحوصات عشان الحمل وطلع عند زوجي ضعف شديد (ادعوا له)
وبعدها راحت حياتنا في البحث عن العلاجات والمستشفيات والحين جالسه ابحث عن الحمل بالانابيب او الحقن الله يكتب لي الحمل الطبيعي قبل اسويها
بالاختصار كل حياتي راحت في البحث عن المستقبل(خلق الانسان في كبد)


مااقولكم لا تفكرون في الزواج بس انبسطي وحللي هالعزوبيه اللي بتفقدينها ..


ترى كل هالسالفه وللحين مادخلت في موضوعي هههههههه>بتنجلد


لاحظت كثير لما تسأل الوحده عن الزواج عن طريق خطابه الكل يعارض ليه طيب !!!!
اذا صارت الوحده ماتبي اقارب وبيئتها مو اجتماعيه كيف بيشوفونها الناس
كل شي بيد ربي بس الواحد يفعل بالاسباب


خالي لنا حول السنه ندور له مع ان شروطه تقول محافظه في لبسها واخلاااق بس! وتعبنا واحنا ندور لانه مايبي من العايله وانا متأكده ان كل صبايا المنتدى فيهم هالمواصفات واكثر
كيف حصلنا له بالاخير ..عن طريق خطابه وثقه طبعا ..والحمدلله كل اموره تمام
ماانكر ان فيه خطابات ماديات بس هذي تعرفينها من اول مكالمه
اذكر مره اتصلت على امي خطابه مااااديه تخيلوا تقول لامي وش الماركات اللي تلبسها بنتك ههههههه وقالت تبي 15 الف ههههههه مهر هذا
يعني مايمنع ان اللي تعرف خطابه ثقه وتخاف الله تعطيه الثانيه


اختي تزوجت عن طريق خطابه وماشاءالله مرتاحه والرجال يخاف الله ومعروفين
يعني الخطابه مجرد سبب الاهم انكم تسألون ززززززين عن الخاطب


احيانا الناس ترفض الخطابه ع اساس ان اللي يروحونهم مو ثقه و ف الاخير يعطون البنت ولد عمها ويطلع عيونها
ونصيحه اذا كنتي انتي اللي بتكلمين الخطابه قولي انا خالتها او عمتها اوعطي الرقم امك او اختك


و ف الاخير والله العظيم اني مو خطابه ولا ان لي غرض غير بعض المواضيع اللي مايحصلون في الردود الا عيب والخطابات مو ثقه والترزز يطيحك من عيون الناس ومن هالكلام
الواحده تسوي اللي عليها والباقي على ربها


ادعوا لي بالحمل الطبيعي عاجل غير اجل ..