للعظه تجربتي مع الحمل خارج الرحم

معاناتي مع الحمل خارج الرحم
السلام عليكم ورحمة الله وبركاته عزيزاتي بنات عالم حواء بكتب لكم تجربتي مع الحمل خارج الرحم وكيف اكتشفتها من بدري وانقذت انابيبي من الموت اولا انصح كل البنات الي يدورون على الحمل لايستعجلون عليه ولايعملون فحوصات قبل سنتين من الزواج ثانيا كل شي يكتبه الله لنا في هذه الحياه يكون لنا فيه خير وينبغي لنا الرضاء وعدم التسخط الجأو للدعاء والاستغفار والصدقه وابدأو باالاشياء الطبيعيه قبل المنشطات انا مثلي مثل اي وحده تبحث عن الحمل ورحت اخدت ابر منشطه بإشراف دكتوره واخذت الابره التفجيريه وصار الجماع وكنت اقول *****الله بنتين توئم حللت بعد 12 يوم تقريبا وكان الهرمون صفر وقلت الحمدلله شي مقدر وجتني الدوره وجلست 7 ايام بعدين وقف الدم الاحمر وصار ينزل لي افراز بني غامق نفس حثال القهوه التركي استمر معاي وقلت عادي من اثر التنشيط ويوم طول رحت حللت الدم العادي وكانت النتيجه نقتف وعملت اشعه مهبليه وكان الرحم فاضي والمبايض مو مبين شي فيها قالت الدكتوره خذي ادوية النزيف استخدمتها 5 ايام ووقف وتركتها بعدها ب3 ايام رجع ينزل لي على خفيف رحت عملت تحليل بالبيت وطلع خطين 😱 قلت يمكن الجهاز خربان وجبت واحد ثاني ونفس النتيجه خطين ورحت المختبر وعملت رقمي مره ثانيه وطلع في حمل بعد 48ساعه تضاعف بنسبة 30 ٪‏ رجعت الدكتوره قالت بأي حال من الاحوال ذا الحمل مو طبيعي خذي الابره الكيميائيه وتركتها ورحت مشفى الولاده وعملو لي التحليل وجلسو يراقبون الهرمون يومين يطلع ويومين ينزل لمدة 10 ايام واحس بالام شديده بالجنبين ومااقدر اجلس واذا دخلت الحمام الله يكرمكم اموت من الالم ويعطوني مسكن ويتابعوني اشعه وتحاليل لين اكتشفو الاكياس في المبيض اليمين واليسار والحمدلله ربي قدر ولطف واعطوني الابره وتحللت وتابعت الهرمون الان بالمستشفى انتظر نتيجة التحليل بعد الابره والحمدلله كما ينبغي لجلال وجهه وعظيم سلطانه مع العلم ان في حالات اكتوبك مثلي بالمستشفى بس ماينزل لهم دم ومادرو انهم حوامل بعضهم صغير واخذو الابره وبعضهم انفجر الانبوب لان الحمل خارج الرحم ماتحسين بوحم وووممكن تنزل لك الدوره عادي وماتدرين لين يكبر الحمل ويشد عليك الالم وينفجر الانبوب وتخسرينه ويعملون لك قيصري اخواتي اتمنى الي صار لي مايصير لاي وحده فيكم واقدار الله نافذه وهذا الشي كان فيه خير لي وبإذن الله اتعافى وماعاد افكر في اي منشط انا الحمدلله مافيني شي وزوجي عنده ضعف بالحركه وجالس يتعالج ولما حسيت الحركه تعدلت جاني طمع ومااستخرت قلت باخذ منشط عشان ابغى تؤم وربي اعطاني تؤم وخارج الرحم اخواتي خنقتني العبره والله لكن الحمدلله الحمدلله الحمدلله على قضائه وقدره سبحانك ربي مااعظمك سبحانك ربي مااكرمك