للغير متزوجة ...وتعاني من الفطريات...تتفضل ...***

السلام عليكم جميعا
بنات نقلته لكم من منتدى اخر...قلت افيد اللي يبغي الحل والعلاج
تقول راعية الموضوع:::
((أول شي لا تزعلون مني يالمتزوجات انتوا على راسي بس انتوا اسهل منا في علاج الفطريات
واسرع بس احنا الله يكون بعوناااا ........ اعتقد فهمتوني ))

أنا كنت اعاني من فطريات في المنطقه الحساسه بس الحمد لله ألحين من الله ثم هالدكتوره الله يجزاها خير تخلصت من هالشي

إللي اقصد إللي تعاني من ريحه كريهه وأفرازات تكون مايله للون الابيض وبلوله تسوي اللي أقولها عليه لأني أنا شخصيا سويته والحمد لله أنا فل الفل الحين الحمد لله

تشترين من الصيدليه هالاشياء

1_حبه تنزل الاتهابات بس ماني عارف اسمها ضاع مني الكرتون بس لما تقولين للصيدلي راح يعرفها على طول لأن ماكوا غيره وسعرها تقريبا 5 وخرده

2_غسول ضد الفطريات اسمه سافوريل (Saforelle) صناعة فرنسا حده رووووووووووووووووعه وتستخدمينه 3 مرات باليوم

3_بخاخ ضد الفطيريات اسمه ابيجن (Epigen) تستخدمينه 4 مرات باليوم تبخين كذا بخه لمده 5أيام بس

4_كريم دهان اسمه (Canestene)


الطريقه تاكلين الحبه مو على معده خاليه وبعدين تغسلين بالغسول وتنشفين ثم ترشين من البخاخ وتحاولين تخلينه يوصل داخل طبعا راح يحرق بالبدايه بعدين راح تروح الحرقه وهذا دليل على ان الالتهاب خلص وتستمرين على الغسول والبخاخ 5 ايام
بعدين تستمرين على الغسول وكريم الدهان لمدة 3أسابيه وتكوني انشالله شفيتي باذن الرحمن

طبعا لاتنسين تلبسين سراويل قطنيه وبعد ماتغسلينها تكوينها وبعدين تلبسينها عشان تتأكدين انج تخلصتي من الميكروب لأنه مايموت الا من الكوي
وبعدين استخدمي الغسول هذا على طول....


لما تييلج الدوره أكلي الادويه اللي اهي اللهوم وطبخة الغوري والبخووووووووووووور الخاص حق تحت مع اللبس الثقيل

عاملي نفسج بالدوره كإنج وحده نفاااااس عشان تكونين نظيفه وناشفه ماتبقبقين

ولأي سؤااااال من عيوني أنا حاضره



وطبعااااا لاغنى عن اللهوم والبخووووور والسوالف هذي اللي محد عارف قيمتها للاسف
منقووووول وأي سؤال انا حاضرة اجيبه من راعية الموضوووع :39: