نفس حالتى بس انا من القصيم ووساكنه بالمدينه000بالعكس احس الرياض على الاقل اللهجه والعادات تكون متقاربه00مو زي صرت كوكتيل حجازي على قصيمي وعادتنا غير عنهم بالبس بكل شي000000
واذا رجعت لاهلى انواع التريقه(الطنازه)على اي كلمه اقولها حجازيه00
اقول خليها على ربك بس000

انا نفس حالتك بس حاولت أتأقلم مع وضعي يعني اشغل نفسي دايم يا أخذ اولادي واطلعهم عشان ما يحسون بضيقة صدر ويوم الخميس اروح لاجتماع اهل زوجي وطبعا ما فيه وجه مقارنه مع الاهل بس زي ما قلت عشان اعيالي ينبسطون و يجتمعون مع اطفال باعمارهم ولا اخليهم يغثوني كل اشوي بنروح القصيم وهذا شئ مو بيدي.
وانا اللي مخفف عني ان كل خواتي زيي بس للاسف مش بالرياض

انا العكس
انا مش متزوجه ولا يحزنون وساكنين اهلي بالرياض وحنا اصلا قصمان وكل قرايبي من جهه ابوي وامي بالرياض
وتطلع تعييني بالقصيم
ولي خاله وحده بس ورحت لها

وانواع الحالات النفسيه لو تشوفين
كرهت الروحات والجيات
مع انه اهل القصيم يجننون وحليلين ومعارف كلهم
وماقصرو معي الله يجزاهم خير

بس البعد عن الاهل شيييييييييييييييييييييييييييييييييين سواء برجل ولا بدوووون
اذا كلمت وقالت امي جاء اخوك ولا طلعت لفلانه ولا علانه يضيق صدري مرررررررره

الله يعجل بنقلي للرياض
ويوفقنا واياكم لعمل الخير

في نقطه ثانيه

بالنسبه انو احنا القصمان شايفين انفسنا ومانحب اي احد ومدري ايش؟؟

الله يصلحك يااختي من قال اننا كذا
بالعكس
تعالي شوفي القصيميات كيف وكيف صداقاتهم

اذا شفتي وحده ولا ثنتين ماتعممين على الباقي

انا اول مرة اشارك لانه موضوعك لفت نظري
ولانها نفس معاناتي انا بالطايف واهلي بالرياض
اسال الله انة يفرجها علي وعليك :(