انا جديده بالمنتدى بس انا متابعتكم والله من زمان وكثير بحب هذا المنتدى
وحبيت افيدكم واحكيلكم على تجربتي مع savlon للقضاء على القشره
حبيباتي انا كان شعري فيه قشره كثير وكانت بتضايقني كثير بهالقشره
في يوم ن الايام رحت للكوافيره وبالصدفه قلتلها اني جربت كل شي للقشره ومانفع وسألتها اذا بتعرف علاج مجرب
فقالتلي اشتري مطهر savlon من الصيدلية وعلى فكرة رخيص مش غالي
واللي تحب تشوف صورته ..
المهم قالتلي مع كل ترويشه بعد ماتغسلي شعرك بالشامبو راح تاخذي ملعقتين كبيره او اكثر حسب طول الشعر من savlon وتخففيها بالمويه وتحطيها على شعرك لمدة دقيقتين مع التدليك لفروة الرأس
وبعدين بتغسلي شعرك
والله يابنات صدقوني من اول استعمال بينت النتيجه والقشره خفت كثير عن الاول
والحمد لله انا لحد الان بستعمله ومافي اثر للقشره
استعملوه يابنات والله بنصحكم وراح تشوفون النتيجه من اول يوم ..