للقيمات باللبن بسرعه قبل ماتخلص

السلام عليكم
اول شى احب ابارك لكم فى الشهر والله يعيده علينا وعليكم بصحه وعافيه
اليوم عندى لكم للقيمات بس خطييييييييره
الحين حضرو الورقه والقلم:time:
خلاص
بسم الله
المقادير
1-من كاس الى 3 دقيق ابيض(على حسب الكميه اللىتبغين والله يعينك اذا كانو اللى فى البيت كثيييرين:06:
2-ملعقه من الملح وملعقه من السكر
3-ملعقه من الخميره على حسب الكميه
4-واللبن على حسب العجين يكون دافى ولا ترى ماتضبط معاكم
5- شيره عشان تصبينها عليها اذا خلصت
6- 1-2 ملعقه من الكاسترد حسب الرغبه بس الافضل انك تحطينه
الطريقه
حطى الدقيق والملح والسكروالخميره والكاسترد مع بعض واخلطيهم وبعدين حطى اللبن بس يكون دافى واخلطى الى ان يكون الخليط لين عاد مو مره يعنى زى ماتعجنين اللقيمات القاضى او غيرها وبعدين غطيها بكيس الى ان تنتفششششش لمده ساعه
وجيبى الله يسلمك العده حقت القلى وخذى بالملعقه كور صفير وحطيها بس يكون الزيت متوسط مايكون حاااار وبعدين خليها لحد ما تكون بيضاء وترتفع وطلعيها من الزيت فى المصفاه سوى كميه ثمن طولى على الزيت شوى بس مايكون حار مره تكون درجه حرارته اطول من اللى قبل يعنى عاليه شوى وانتظرى من 1-2 دقيقه:42:
وحطى اللقيمات اللى سويتيهم نصف استواء وحركى الى ان تشقر واذا عجبتك سوى الدفعه الثانيه نفس الطريقه ثمن جيبى الشيره وصبى عليها بس ماتكون الشيره حاره
وبالهنا والعافيه:23:


على فكره تراها طلعت احسن من حقت خالتى ام زوجى حتى خالى صار ما يبى الا هى:30: