بسم الله الرحمن الرحيم
والصلاة والسلام على خير المرسلين سينا محمد وعلى إله وصحبه ومن تبعهم بإحسان إلى يوم الدين
استغفر الله اللذي لا إله إلا هو الحي القيوم واتوب إليه..
سبحان الله وبحمده سبحان الله العظيم..
هلا والله وغلا..ياالله تحييهم..
امووواه امووواه
الله يبارك فيكم ويسلمكم..
إيه إيه أدري أني صرت محرره :king:..
بس ليتكم مسحتوا أرواجكم لخمطتوا وجهي..
بنات اتحداكم ماتضحكون من المواقف..
اللي تمسك نفسها وماتضحك ابعطيها حلاوه حلقوم..
يااااااااقدمي ههههههههههه
ومو بس كذا اللي تدخل المجلس ياويلها تمسح خشتها عقب الإكل
وتطلع من دون موقف يضحك أو كلمه حلوه..
وأكيد كثار منكم عندهم مواقف تحفه
بس مالهم خلق يكتبونها بمواضيع قديمه راحت شمتها..
واليوم معازيم جدد وعزيمه جديده على مواقف دسمه..
نبي نكسر فيها حاجز الألف موقف..
وإن ماحصل إلا خمسميه ماهيب شينه..بس نبي همتكم!!
وكل وحده تحط فبالها إن بخلت بموقفها فالكل بيبخل!!
وإن قالته بتقرى عشره بداله من البنات اللي شجعتهم!!
وخلونا نحتسب أجر إدخال السرور على قلب كل مسلمه..
ونبدأ أي موقف بأي ذكرلله عشان أجر التذكير..
يالله نبدأ ياقمرات..
لا إله إلا أنت سبحانك إني كنت من الظالمين..
كان ياما كان في بنت إسمها شخوصه..
عاقله وثقيله وماتعرف الطفاقه وخصوصاً إذا جاء طاري روحة أهلها..
وكان زوجها مايحب تجيب له هالطاري..
عشان أهلها بمدينه وهي بمدينه ثانيه ومايبيها تروح رجليه!!
يعني مايبيها تركض بالسكه مسافة900 كيلو..
يخاف عليها تعطش وتفضي مطارتها من المويه..
وإلا تجوع وماتلقى كبسة بخاري بالمحطه..:f226:
وإلا تحول عويناتها من عيون القطط وهي تعدهم..
وإلا تطلع عصاقيلها وهي تركض ويشفونها الرجال بمركز التفتيش وهي تعدي من عندهم زي العدّائه..
وإلا يطيح شبشبها عندهم وواحد يلحقها يحسبها سندريلا على غفله:32:!!
ههههههههههههههههههههههههههههههههههههههههههههههههه
خرجت عن النص؟؟ على بالي حكايات عالميه
نرجع للموقف بلا هستره..
زوجي ياطويلات العمر مايبيني اروح لأهلي بالطياره..
ومره من المرات بعد إلحاحي عليه وافق بشرط تعجيزي..
إني ألقى طياره بنفس ذاك اليوم تروح لأهلي..
وماصدقت خبر طرت بسرعه للتيلفون بحجز..
ويوم دقيت رد علي الموضف فقلت:
لوسمحت فيه طياره اليوم بتروح لمدينة...
فقال الموضف:إيه ياأختي بس ترى بتقلع بعد ساعه ونصف
يالله يمديك إذا بتروحين عليها..
ومن الفرحه قلت له:
طيب طيب هذاني جيت!!!
الموضف: وين تجين ياأختي:blink:؟؟ماحجزتي وماأخذتي رقم الحجز!!!
أنا بهالحظه راسي دار من الفشيله..قمة الدلاخه والميانه!!!
خيييييير هذاني جيت!!! جمس أبوي هي..
ههههههههههههههههههههههههههههههههههه
************
وفي يوم غائم مشمس جميل <<<< ماتجتمع إلا بقاموسي
كنت عند أهلي ياملحهم ويازيني بينهم..
جاء أخوي الصغير الكبير الحجم <<< متختخ ماشاء الله
وأخوي الكبير الصغير الحجم <<< معصقل
فقال الكبير للصغير شي نرفزه..
قال الصغير: تكفى عض على شحمه..
فقال الكبير: تعااااااال أعضك :S_45:..
للي مافهموها عض على شحمه جمله بلهجتنا يعني نأطنا بسكاتك..
وتعال أعضك..يقصد تعال أعض على شحمه من شحماتك يالدبي!!
هههههههههههههههههههههااااااااااااااااي
************
أخو بنت خالتي الدلخ ويافرحه ماتمت بعرسها..
ياعمري يابنت خالتي مامداها تفرح وتنومس بشكلها وبمكياجها عند المعرس..
دخل عليها أخوها الصغير وهي جالسه مع عريس الغفله وقااااااااااااااال:
فلانــــــــــــــــــــــــه....كيف صرتي بيضا:blink:!!!!
يعني ماخبرتك بيضا أبد...وأفهم يافهيم!!
هههههههههههههههههههههههههههههههههههههه
مسيكينه..كلمته قنبله موقوته الله يكفي الجميع أمثالها..
************
بنتي مصرقعه ماأدري طالعه على مين؟؟؟ كنكم تقولون علي!!
سألتها وحده تحارشها..قالت لها:
ماقد شفتي أبوك وهو لابس البشت بيوم عرسه على أمك؟؟
قالت بنتي: لااااا أصلاً أبوي عندنا من زمان..
ههههههههههههههههههههههههههههههههههههه
ياقدم أبوها..وياجدادتي:booo:..
************
موقف زمان بس للحين أضحك منه..
لأخواني الثنائي المهستر السابق الذكر يوم هم صغار..
كان لنا جاره سوريه دلع ساكنه فوقنا..
وحنّا ياحياتي مانعرف الدلع ولا مر من جنبنا..
وكان لها طيور حُبّ مربيتهم لونهم أصفر يشهون للتفعيص..
ومن قرادة حظّها وحظّهم جتنا بليله مافيها ضو قمر وطقت علينا
جت أمي فتحت لها فقالت:
بليز ياأم...بدي سافر يومين تلاتيه وإزا ممكن
خلّي هالطيور عنكون ولمّا برجع بجي باخدون؟؟
قالت أمي الله يخليها:أكيد ياكافي..إن ماشالهم القفص تشيلهم عيوننا..
وراحت جارتنا..وودعت الطيور الدلع بروحتها وبدأ مسلسل التعذيب:024:..
كانوا أخواني الأثنين كل يوم وحنّا بالمدرسه يطلعون العصافير
ويحجرونهم بالغرفه ويغولونهم وينتفونهم تنتيف..
وكل هذا بغيبه عنّا وعن الوالده..
إلين ماقرروا يطلقون صراح سجيني غوانتنامو
بالهواء الطلق..
وبالفعل سوو عملتهم السوداء وطيروا الأمانه..
بس واحد طار وواحد عجز يطير من أجنحته المنتفه مسيكين..
ويوم جينا...يوووه وش نشوف..الأمانه مطيره..
فقلنا لازم نشتري طيرأصفر زي اللي طار عشان نخفي معالم الجريمه..
وراح أخوي الكبير ودور بكل مراكز بيع الطيور ومالقى فجاب طير
رماااااااااااااااااااااااااااااااااااااااااااااااااااااااااادي
ياالله رمادي مو أصفر أكيد بتكتشف!! يافشيلتاه !!!
ويوم جت المخلوقه أرسلنا لها الطيور..
وكلنا ترقب وتخوف ياترى وش بتقول؟؟؟
وللحين الحرمه ذوق ماقالت شي..
فبعد كم يوم عزمناها بنشوف ردة فعلها..
:humm:
ويوم جت سألناها...
فلانه مالاحظتي شي على طيورك؟؟
قالت: أمبلا...كأنو واحد مختير:28:!!!
قصدها الأصفر شيّب وقلب ريشه رمادي..
ههههههههههههههههههههههههههههههههههههههه
وماتدري أن الشيب براس الأصفر من ماشاف..هههههههههههههههه
استغفر الله ياربي
يالله عاد بترك لكم المجاااال وراجعه بمواقف أحلى
بس بتفاعلكم..
عزيزاتي المشرفات رجاء خاص ماتنقلونه..فهو من الأسريه ولها..ويعطيكم العافيه..
يلزم عليك تسجيل الدخول أولًا لكتابة تعليق.
اضحك الله سنك ياعسل
والله اني متأزمه الايام هذي مر السنه وماحملت وفشلت عمليتي الرابعه الله يعوضني خير
ماضحكني الا انت
والله اني متأزمه الايام هذي مر السنه وماحملت وفشلت عمليتي الرابعه الله يعوضني خير
ماضحكني الا انت
الصفحة الأخيرة
وأصير محرره.......