للكل بدك ترفعي معنوياتك قبل الولاده ادخلي واسمعي قصه ولادتي

انا كنت حامل ودخلت التاسع وانا من اول يوم بتمنى اولد من التعب وما صار شي
المهم كان اخر موعد لولادتي ب28/11/2005
ومن انا بالشهر الثامن بتيجيني اوجاع مثل وجع الطلق بس ما في اي توسعات
لدرجه انه تعودت على الوجع وما اهتم فيه
قبل الولاده بعشر ايام نزل علي افرازات بنيه معه دم قلت هانت رحت عملت فحص داخلي طلعت فاتحه 1سم
وتم هيك عشر ايام ويومي بيجي وجع طلق مده ساعتين اواحيانا ثلاث بقول ولاده وما بيطلع شي والدكتور قال هذا طبيعي لما يصير الوجع يجي كل عشر دقايق ومنتظم تعالي وكل يوم اعملي تخطيط للجنين
وانا كنت امشي كل يوم من اول السابع وبالتاسع كثفت المشي حتى صار 3ساعات يوميا
ويوم28/11رحت مدينه الملاهي علشان ابني يلعب وكنت مع عائله اردنيه اصحابنا وانبسطنا ورحنا بعدها على المطعم نتعشى واجى كل اصحابنا العرب وانبسطنا و صارت الساعه 11بالليل وفجاه اجى وجع قلت مثل كل مره ما اخدت ببالي وزاد وصار كل ربع ساعه وبعدها بسرعه رهيبه صار كل سبع دقايق زوجي صار يحسبها وتميت طيران على المستشفى وصلت المستشفى الساعه 12بالليل وصار الفرق 3دقايق اجت صديقتي البانيه علشان تهتم بكل امور الدخول للمستشفى لانه انا ولدت بالبانيا وصاحبتي السوري اخدت ابني عندها والكل كان بالمستشفى كل العرب اللي معنا بالمطعم معي بالمستشفى
المهم عملو لي فحص داخلي قالو لي اني فاتحه 8سم كانت مفاجئه خلال ساعه اكون فاتحه 8سم
ولاده على طول دخلت اولد طلبت مسكن قالو ما في مجال راح تولدي باي لحظه قبل من اي مخدر انه ياخد مفعوله ودخل زوجي معي غرفه الولاده وما صارت الساع 1;30الا انا ولاده وجبت محمد الله يخلي لي انشالله وكانت عنجد حلوه خلال ساعتين ونصف فقط كان وجع الطلق والولاده وانا طول الولاده كنت ادعي الى الله واقرا سوره الزلزله والمشي كان له تاثير خيالي على تسهيل الولاده

والا انا صارلي اسبوع والده والنهفه وين انا ولدت بين مع اخوال خالي مولود ب28/11والثاني29/11
انا صحيح ولدت ب29بس كنت بطلق بتاريخ28 والكل كان مش مصدق وخصوصا اني كنت عامله شات مع خواتي المغربيات قبل ما اطلع من البيت وما كان في شي ولما رحت على المستشفى اتصلت فيهم وخبرتهم اتوقعو اني راح اولد الفجريه وبعد ساعتي اتصل زوجي وخبرهم ولدت
ويك خلصت قصه ولادتي
والسر بالدعاء والمشي ولا شي اخر