للكوسه فى بلادى شئون

للكوسه فى بلادى شئون
.للكوسه فى بلادى شئون
بتخلى المسنود فرعون يتفرعن فيها مهما يكون
وتخلى الجاهل استاذ والاعرج لاعب جمباز
وتخلى الاحول هداف والكوره الاوت فى الجون
للكوسه فى بلادى شئون
لو تعرف واحد فى الشرطه راح تخرج من اجدع وارطه
والراجل الى انت ظلمته تلاقيه متلقح مسجون
او تعرف شخصيه كبيره شغاله فى البنك مديره
راح تأخد من غير ضماناتك كام قرض بمليون مليون
وهروبك طبعا مضمون
وياعينى لو تعرف نايب فى المجلس مش نايب خايب
راح تبنى ابراج وهميه اوراقها مضبوطه اكيد
وفلوس الناس المهريه هتجيلك من الجيب للايد
بعديها تروح الستشفى وتقيد نفسك مجنون
احكامك تسقط فى ساعتها بعديها ترجع موزون
واذا ساكن فى عماره جديده وحبيبك راجل مسئول
فسيادتك من غير ماتقول يركبلك فورا تليفون
ولوانت عندك عربيه ونمرها سوده بنسرين
هتعدى اجدعها كامين وحتكسر اجدعها اشاره
ماهو نمرك سوده جبارهولا تعرف ايتها قانون
ولو انت بتعرف فراناو واحد بياع جرنان
راح تأخد طلبك وحتمشى من غير ولا دوشه ولا دور
والناس الغلبانه هتأخد طلبها بعدك وهتغورماهو كله غيرك بيهون
ولو انت زميل الحلاق راح تحلق اولها زبون
واذاكنت بتعرف دكتورهتعيش مطمن مسرور
وهتسلك فى لجان الشفوىومجال تعيينك موفور
وهتطلع فى التليفزيون بالبدله وفيها الببيون
تتكلم وبكل بساطه عن شرف المهنه المدفون
لكن لو شاعر غلبان قلت الى فى نفسك علطول
هيقولو مين قالك قول ويهاجمك مليون انسان
.