للكويتيات اجتماع مغلق

مرحبا بنات باختصار انا جديده بالمنتدى وهو المنتدى الوحيد اللي اشارك فيه لانه ما يتطوف بصراحه استفدت منه لاقصى حد بمختلف المواضيع ....فلكل عضوات عالم حواء احلى تحيه وجزاكم الله خير....وبالنسبه لموضوعي ابي حنا بنات الكويت نستفيد من بعض من جميع النواحي لاني تعبت ادور اشياء قايلين عنها بنات السعوديه والامارات وغيرهم حبيباتي كلهم وما القاها اوالقاها بتعب ,,,وباختصار اللي عندها فايده او مجربه شي ما يتطوف او حتى تجربه حياتيه اواستشاره نفسيه تقولها وحنا نتساعد بحلها لانه ما خاب من استشار وصدقوني انا اول وحده محتاجتكم من هذي الناحيه............ارجو اني اكون وضحت الفكره واتمنى انها تعجبكم
وطبعا كل وحده تشارك لازم تعرف عن نفسها عشان نتقر ب اكثر من بعض وراح ابدى بنفسي ..................................................................
انا متزوجه من خمس سنوات
عندي بنت وحده الله يخليها لي وكاني قاعده اكافح ابي الثاني (ادعولي)
شهادتي الثانويه
قاعده بالبيت بس افكر اشتغل لاني مليت من الفراغ
ما عندي خدامه لاني ضد الخدم مع اني متبهدله(شوفوا الدقه بالتعريف)
واخيرا اذا فيه موضوع ابي اطرحه فهو المظاهر اللي منتشره عندنا والله اني كرهت الاختلاط من كثر ما يدققون شلابسه بنتي ومن وين اشتريلها وليش اكرر ملابسها وهي وحيده بصراحه ناس عقولها ناقصه بس ما تقدرين تطنشين لانهم حواليج ومن اقرب الناس منج حتى الاخت تنافس اختها والله يا بنات انا موبايلي المستشار القديم ولما اطلعه بتكلم الكل يطالعني بنص عين وانا اضحك بقلبي.........
ودي اكمل بس مصختها,,ارجوا انكم تشاركوني وانتم احرار بطرح الموضوع
واااااااااسفه للاطاله والله اني احبكم بالله