خليجنا واحد وشعبنا واحد يعيش يعيش من يعيش .............الله واكبر:24: :24: :24:

يا بعد قلبي انا كويتيه كل صيف اروح السعوديه واقعد 3 شهور ودائما يسالوني عن سر لمعة شعرنا واختي متزوجه سعودي وبعد ما تزوجت فعلا خفت لمعة شعرها ...............مع ان القعده بس بالسعودية اتونس وتشرح الصدر فلازم يتحسن شعرها مو يجف ويبهت ولما سألتها ليش شعرج صاير جذي قالت لي السبب هو ...........

======================== الماء =================================

اتقول مو نفس صفاء ونقاوة ماي الكويت واعتقد ان هذا ممكن يكون السبب واتقول فيه نسبة ملوحه في السعوديه

ويا خواتي ترى انا وخواتي من عمرنا منقبات وكل عايلتنا لان احنا فينا بداوه وابوي ملتزم وامي بعدو نسبة السفور في الكويت قليله بالنسبة للمحجبات والمنقبات لا يغركم التلفزيون ترى يركضون ورى اللي مو متحجبات ونصهم اساسا مو كويتيات بس لو اتشوفين كلامهم واسلوبهم والله انا احسب انهم كويتيات بس هم من الاخوان الوافدين اللي عايشين عمرهم بالكويت ويتنقنون اللهجه

وعن الاهتمام الحق ينقال لما ما كنت اهتم بشعري كان احلى من الحين بس الزيت شي ضروري والحنا مهم مهم مهم

صدقيني البيئه تلعب دور مهم جدا ..........وانا ملاحظه على خواتي السعوديات غرامهم بالصبغات وهذا عدو الشعر الاول

وكلنااااااااا حلوات بنات الخليج واللي مو عاجبه ينتف حواجبه :42:

تحيا الامه العربيه تحيا الامه العربيه تحيا الامه العربيه ...............وحده طاقه الرصيف وداشه عرض

السلام عليكم000
اشفيكم ياجماعة 00الاخت تسال عن الشعر موالقومية العربية0000ليش انتم حساسين
نرد لموضوعنا000"شعر الكويتيات" ووووالخليجيات بعد لاتزعلون
كل وحده تحب تهتم بشعرها لان تاج المره شعرها وخصوصا جيلنا نهتم اكثر يعني امي ماتعرف الحنه والدهن للشعر لكن لما كبرنا صرنا نشتري حمام الزيت والشامبو نختاره اللي يناسب نوعية شعرنا الفيتامينات الخاصة للشعر الانبولات000والصراحة اكثرنا يروح للصالون علشان نهتم بشعورنا احنا اول نروح اذا في عرس الحين كل شهر نروح كل شىء نسوي حمام مغربي وحمام زيت بدكير ومنكير غير الخلطات غير الصالونات اللي متخصصة لخلطات الشعر بس "ثوم وكرفس وبصل 00وووو0الخ"
اما عن الاخت اللي اذكرت الماي تقدر اي وحده تحط فلتر تركبه بالدش من فوق ولما تسبح يطلع الماي صافي والحين الماي كله كلور اصلا انا باعتقادي ان الملح مفيد للشعر لان مره يقولون ان الشعره اذا حطيتيها بالمي في ملح تطول
بالاضافة ان الملح يعقم لكن الاخت تغير عليها الماي بس
الاطراف المتشققة بالعر تزيد من تقصفه يعني لازم كل شهرين تقص الوحده شوية على قد طرف الاصبع ولاتنسون دعلون شعركم "حلوه هذي تدلعون" يعني موتشاوين وياه علشان تمشطينه ترى يزعل عليك وما يطول واخاف يزعل اكثر وما يطلع وتدورون على البواريك كخ مع تحياتي ام عليوي

الللللللللللللله اتونسون على هالحب الكبير اللي اشوفه والغيره على علاقاتنا الاخويه

صراااااااااحه شي يبرد القلب عسانا دائما على قلب واحد يارب ولا يحرمنا من بعض .............ترى حتى المصارين بالبطن تتخالف ============> تشبيه يلوع الجبد يعني ناصحه

:22:



اقول اختي ام عليوي اختي جربت الفلتر بس ما نفعها ودكتورة الجلديه اتقول لها الملح على طول يجفف الشعره ويبهتها وانا اعتقد ان كلامها صحيح ........نصحتها انها تشطف شعرها بمياه معدنيه

وارد واقول عسى الله لا يفرقنا ويجمعنا بالجنه ااااااااااااااااامين ..........قولوا امين

:26: :26: ورود اهديهم لكل خواتي بالمنتدى من جميييييييييييييييييييع الجنسيات شرط يكونون مسلمات ( تتشرط الاخت) ......... وخصوصا الخليجيات :arb:

لا للتعصب ..........لا للتعصب ...........لا للزعل ...........لا للزعل


ملاحظه : اللي تزعل اتصير جيكره :07:

الصج ينقال............... اللي قالت الماي .. معاها حق
انا كنت ادرس بالبحرين............ الله لا يراويكم شعري .. جنه هوشه بشعري .. حتى البشره .. المهم صرت جلحه ملحه.... عاد عندي صديقه بحرينيه ..قالت لي انهم يستخدمون ماي الشرب يغسلون فيه.... لأن الماي اللي في البيون مالح جدا جدا (صليبي)
بس الحمدلله لما رديت الكو يت... كل شي تسنع...لأن الماي عندنا نقي وحلو ( الله يديم علينا هالنعمه)
واحب اضيف على الاخوات.....
الكويتيات ..يهتمون بطريقه تسريح الشعر... فيبين حلو.. يعني بصراحه الكويتيات واعين.. ويعرفون عيوب شعرهم.. فيهتمون بإخفاء عيوب الشعر.. فيبين حلو
وشكرا