حياج الله أختى العزيزهI.S.A.O

والدار دارج ..ونفرشه لج بكل الزهور ..حيا الله بأهل قطر الطيبين وكل أهل الخليج والعرب
:26:

شوفى ... نبدء الرحله

-نبدء بالمجمعات ((الراقيه والغاليه ))

1- فيلا مودا بالشويخ من أفخم المحلات التى يوجد بها كل الماركات ,اسعاره نار ...أنتى روحى وتفرجى ,,,,
2- الصالحيه ....بالعاصمه ....توجد فيه ماركات كثيره + كافيهات ومطاعم ... ممتع ,وأسعاره مرتفعه
3- الثريا بالسالميه فيه قليل محلات
4- مجمع زهره بالسالميه مقابل مجمع الثريا الذى ذكرته لك

-االمجمعات الى أسعارها ((وسط ))

1- مارينا مول ....مجمع ضخم وجميل يطل على شارع الخليج العربى وبه جسر يفصله عن شارع البحر ..الجزء المقابل للبحر ..كله مطاعم ...وهو داخله كافيهات وحلو للتمشى والتسوق ,اكل الوجبات اللذيذه وفيه سينمات
2- الفنار ....أقل حجم ...وجميل أيضا ..كلهم بالسالميه بشارع سالم المبارك على ما أظن هذا اسمه وفيه سينمات
3-البستان +ليلى جاليرى .....ووتالا+ مريم ..كلهم نفس السطره ......
4- عندج سوق شرق __بالعاصمه حلو مطاعم وحجمه كبير ....فيه مطاعم مقابل البحر جميله ,,,وسينمات ...وكل شئ
5- عندج ((المهلب )) سوق على شكل سفينه التايتنك ...مجمع عائلى بمعنى الكلمه هادئ ...وجميل فيه مطاعم وسينمات وفيه ملابس حلوه واسعرها معتدله أيضا .
عاد أنا يمكن نسيت أشياء البركه فى البنات

الأسواق الرخيصه
1- مجمع العثمان روعه للمقاسات الكبيره والمتوسطه ولملابس المحجبات ..بضاعته مقاربه لمجمع المهلب.
2- مجمع النقره الشمالى والجنوبى ...أسعاره رخيصه جدا وفيه أشياء حلوه وعمليه وملابس للنساء عمليه.
أسعار الملابس ب5 دنانير فقط.
3- مجمع الأيوب ....توجد به ملابس نوم نسائيه وقمصان نوم وتجهيز للعرايس للداخلى ..وفيه العبات الأسلاميه ..ومحلات لملابس نسائيه رخيصه + مقابله مجمع السندس..تقريبا نفس الشئ بس أحلى المبنى
وأمامه مجمع بلازا ....حلو فيه ملابس لأطفال بالسرداب.
4- عندج سوق السالميه الجديد الى على دوار الجوازات ...حلو وفيه محلات شعبيه من بجامات وملابس للنساء ووو
مطاعم وكافيهات وسينمات
5 عندج عاد الروعه ((لا ند مارك)) تحف وكماليات للبيت وملابس وكل شئ ,اسعره مناسبه...فيه بالسالميه ,فيه أماكن كثيره وفى بالشويخ أيضا.
6 عندج ((مركز سلطان )) كل فاكهه وكل خضراء ...التسوق فيه جميل جدا ...وأغراض المنزل ..,,,,ووو

-نجى لللأسواق الشعبيه ..

1المحاميد ....أفرعه بكل مكان ...رخص التراب,,,ملابس أحذيه كل شئ.
2سوق المباركيه ....مالكم الا سوق المباركيه ...حتى فيه سوق ب 50 فس بس
3 فاشن مل بالسالميه
4 المعلم بحولى ...وبجانبه الموعد + الجندول ,,,ما تحتاجين لهم سياره

نجى للأماكن الترفيه
1- المدينة التفريهيه .بمنطقة الدوحه
2- حولى بارك بمنطقة حولى ..وداخلها أكبر مكتبه بالكويت ((جرير ))
3- حديقة الشعب ......بالشعب
وندر لاند ...ب جمعية المنصورية للصغار + نفس الألعاب فى ليلى جاليرى
3- صالة التزلج
4- المركز العلمى ....بالسالميه فعلا جميل جدا وراقى أنصحج تذهبين له
5-شوبيز بالسالميه

والله الأماكن كثيره .........يعنى هذا شئ بسيط واذا تبين راح أكمل .... والمطاعم كثيره ..بس ..لا تروحين برج الحمام لأنه فاشل..

الظاهر ...أختى لم تشاهدى ردى ...


نرجع للمطاعم .....الله يا المطاعم

----عندج ...اذا ميزانتج ما تسمح وتبين سندوشات وغيرها ..

روحى السالميه ...............شارع المطاعم .....عجيب ...عندج مطعم شموع الأفراح
وايد يعجبنى ..ومقابله بوضه فارس:23:......عجيبه ....طبى وتخيرى المطاعم


----اذا ميزانيتج تسمح نبدى معاج......

- فى مطاعم كثيره على البحر ...ريوق((لينتور ))
- الأبراج
-فرايديز
- الدانا
-أبل بيس هذى شبابيه يعنى أذا تبين هدوء ما أنصحج
-برج الحمام فاشل لالالالالالالالالالا
-نينو
-ميس الغانم ((لبنانى ))....بجانب مستشفى الأميرى
-قصر السرايا ....رخيص وحلو (((لبنانى ))
رتز ((على البحر ....وبالجمعيات وبالصالحيه ...وفى الثريا ....وجمعيه الشاميه ))
- طبعا الوجبات السريعه بكل مكان ....كل جمعيه ...أنصج بالشاميه وايد حلوه
تدخلين المجمع +الجمعيه
-سوق شرق مطاعم فوق وتحت + مارينا مول مطاعم + كويت ماجك ألعاب كبير+ مطاعم
بمنطقة المنطقة المنقف
-....عندج مركز سلطان ...الى داخل سوق شرق ممتع + فيه بوفيه
- فندق ((كروان بلازا )) بالفروانيه ..مطعم أول دور على يدج اليسار ...أسمه ((شبتان
على ما أظن روعه روعه أكل ايرانى عجيب
- عندج مطعم ((مغل )) محل فى الكويت جنب سينما الفردوس سابقا أكل هندى وايد حلو
طلبى بريانى دجاج دون عظم:23:
- عندج مطعم فى ليلى جايرى ((بم بم ) تأكلين وجنبك أطفالج مع الشغاله ...حلو أعتقد أيطالى
بذكرج أذا تحبين الصمون (((بسوق شرق ))...مطعم تحت أسمه ((بردز ))عنده صمون عجيب
طلبى تشكيله ..وبدينار بس...أو تغدى أو تعشى مره وحده
_ نسيت الأهم فاتحين ,,,,سنتر كامل مطاعم على البحر ((بمارينا مول ))...صراحه ما جربتها

ويقلون عنها حلوه .........

أتمنى أن أكون أفتدج ....بس المطاعم كثيره جدا أكثر من السيارات:32:

للرفع

ضيفتنا وأختنا الحبيبة .... الأخوات ما قصروا طبعا اللى ودتك يمين واللى خذتك شمال .. واللى تراويك الأسواق والمطاعم ..

أما أنا أحييك واذا ما جيت الكويت هذى أول مرة ترا سوق الفحيحيل اللى تكلموا عنه وايد بعيد وما ينفع الا ليوم تخصصينه لنزهة أو تمشى حتى توصلين له لأنه يبعد عن مدينة الكويت أكثر من نصف ساعة تقريبا .. وهذا حسب قيادتنا حنا البنات .. سرعة يعنى

وووووأهـــــــــــــــــلا بــــــــــــــك فــــــــــــــــى الكــــــــــــــــــــــــــــــويت .. بــــــــــلاد الحريـــــــــة والســــــــــعادة


:26: الوداد :26:

صدقيني اختي اذا رحتي لكويت ماراح تملين عايشين هناك حياة خيالية ماشاالله عليهم انهبلت يوم رحت انا وزوجي لاكن رحتلها وكان الجو بارد بس روعة المجمعات والمطاعم المطاعم شي احلى من شي ماقد ذقت مطعم خايس عندهم اكلات تجنن وكلن بحالة صدقيني راح تروحين لة مرتين واكثر حححححححححححححححلوة مرة---الله يهنيكي بهالسفرة--:26: