للمبتدئات مقلوبة تونه (مشارك باسبوع الرز )

حيااكم حبايبي عضوات عالم حواء واتمنى تقديم الاجمل والالذ

واليوم طبقنا سهل وسريع وقبل لاابدأ:

همــــــــــسه لكل اخت مبتدئه الله الله بالقراءه الطريق الصحيح للتعلم

وبعدها التطبيق لاقررتي عمل اي صنف اقري كذا طريقه له ومن كذا عضوه

او كتاب يسهل عليك تصور الصنف

ولاتخافين في حالة الفشل لانه مو مشكله المشكله النهوض بعده والاصرار

ع تنفيذ الصنف وتفادي الاخطاء

وملاحظه اخيره لاتهملين ولا جزئيه حتى وان كانت بسيطه من صاحبة الوصفه

او من اي شخص خذيتي منه الطريقه

لعمل الطبق





نسلق 3 كاسات رز بشاور من ماركة باب الهند او الاندين قيت وطريقته بعد ما
تغسلين الرز تضيفين له ماء مغلي بارتفاع يغطي الرز بشي بسيط وورق غار
وزيت زيتون وملح وتخلينه ثلاث ارباع استواء وبعد مايجهز نتركه ع جنب

ــــــــــــــــــــــــــــــــــــــــــــــــ



في قدر اخر نعمل طبقات

الاوله شرايح بصل وثوم مفروم ولو حابه فلفل بارد ورشة ملح


ــــــــــــــــــــــــــــــــــــــــــــــــــــ

نرص طبقه من حلقات البطاطس المقلي والمملح

ـــــــــــــــــــــــــــــــــــــــــــــــــــــ

وبعده طبقة من حلقات الجزر المقلي والمملح

ــــــــــــــــــــــــــــــــــــــــــــــــ

وتقدرين تضيفين باذنجان للمقلوبه ماكان متوفر لي

ـــــــــــــــــــــــــــــــــــــــــــــــ

وبعدها نضع على الطبقات علبتين تونه بزيت الزيتون 500 غرام لكل وحده

العلب الكبيره

ــــــــــــــــــــــــــــــــــــــــــــ

نفكك التونه بشويش ونضع فوقها ورق غار 4 حبات و4 حبات اعواد قرفه
وحبات فلفل اسود صحيح و4 حبات مسمار او قرنفل البهارات الصحيحه
مفيده لابعاد رائحة التونه

ــــــــــــــــــــــــــــــــــــــــــــــــ


بعدها نخلط نصف كاس ماء في اناء مع 3 ملاعق كبيره صلصة طماط وبهاراتك المشكله

انا حطيت شوي كاري وكمون وفلفل اسود ونحركها لحد ماتمتزج الصلصه بالماء
ونسقي فيها التونه

ـــــــــــــــــــــــــــــــــــــــــــ

نضع الرز فوق الطبقات اعلاه

ـــــــــــــــــــــــــــــــــــــــــــــــــ


نهدي النار عليه ونتركه من 30 الى 25 دقيقه لحد مايتشرب الارز وياخذ نكهة التونه والخضار

بعض انواع الارز تحتاج 45 دقيقه زي ابو كاس وماشبهه

ـــــــــــــــــــــــــــــــــــــــــــــــــــــ
صور الطبق في الرد الثاني تابعو ا معي