للمبدعات و عاشقات الجديد و الغريب

سندويشات جديدة و مبتكرة للمبدعات فقطً

للفطور او عشاء خفيف

بسم الله نبدأ

تجيبين شريحة التوست (البريد) و تدهنينها بمسحة مايونيز خفيفه او جبنة سايله(كرافت) عشان تمسك المكونات اللي بنحطها،،

بعدين تحطين حلقتين بيض مسلوق ،، زيتون شرايح (اخضر/اسود) ،، شرايح فلفل رومي(انصاف/هلالية الشكل) و اخيراً تذرين على الوجه اوريغانو ،،، و تلحفين هالمكونات كلها بشريحة جبن (سلايس) و تحطين شريحة التوست الثانيه (الغطاء)عليها بس تكون مدهونه من الداخل بالمايونيز زي اللي تحت

وبعدين تضغطين (ترصين) على الساندويتش عشان تنضغط شوي المكونات و تتماسك

وآخر شي تدهنين سطح الساندويتش من فوق بمسحة غنية من الجبن السايل (كرافت) و ترشين عليها الحبة السوداء(حبة البركه )

وتدخل الفرن تتحمر شوي من تحت الى ان يتشقر لونها من تحت يعني شييكي كل شوي

وبعدين تتحمر من فوق شوي الى ان يتشقر سطح الساندويش ويتغير لون الجبنه

وعند التقديم تقطعين الساندويش الواحد الى اربع مثلثات صغيره ...وكثري الكميه لأنها بتصير زي الفصفص بيفصفصونها :) ...و ما تصدقون كيف لذيذة و شهية

ودي اني اعرف انزل الصور :hahaha: (وش تضحك عليه انت و وجهك) اسهل بكثير من هالبربره اللي مالها سنع :42:

بس انشاءالله تكونون فهمتوا و تخيلتوا الشكل ...........تراها لذيذه و غريبه يممممممم

صحتين و عافيه :26:

وحاضرين لأي استفسار